କେନ୍ଦ୍ର ଗୃହମନ୍ତ୍ରୀ ଅମିତ ସାହା ଙ୍କ ଢେଙ୍କାନାଳ ଗସ୍ତ କୁ ନେଇ ବିଜେପି ର ପ୍ରସ୍ତୁତି ବୈଠକ

ତାଳଚେର :
ଆସନ୍ତା ଫେବୃଆରୀ 23 ତାରିଖ ରେ କେନ୍ଦ୍ର ଗୃହମନ୍ତ୍ରୀ ଅମିତ ସାହା ଙ୍କର ଢେଙ୍କାନାଳ ଗସ୍ତ କାର୍ଯ୍ୟକ୍ରମ ରହିଛି |ଅଭିବକ୍ତ ଢେଙ୍କାନାଳ ଜିଲ୍ଲାର କାର୍ଯ୍ୟକର୍ତା ଙ୍କର ଏକ ସମ୍ମିଳନୀ ରେ ଯୋଗଦେବେ |ଏ ପରିପେକ୍ଷୀରେ ତାଳଚେର ନିର୍ବାଚନ ମଣ୍ଡଳୀ ର ଶକ୍ତିକେନ୍ଦ୍ର ସ୍ତରୀୟ ପ୍ରଭାରୀ, ପ୍ରମୁଖ ଓ ସହ ପ୍ରମୁଖ ମାନଙ୍କୁ ନେଇ ଏକ ଗୁରୁତ୍ୱପୂର୍ଣ ବୈଠକ ଅନୁଷ୍ଠିତ ହୋଇଯାଇଛି |ତାଳଚେର ବିଧାନସଭା ବିଜେପି ନେତା ତଥା ରାଜ୍ୟ ସମ୍ପାଦକ କାଳନ୍ଦି ସାମଲ ଯୋଗଦେଇ କେନ୍ଦ୍ର ଗୃହ ମନ୍ତ୍ରୀ ଅମିତ ସାହା ଙ୍କ କାର୍ଯ୍ୟକ୍ରମ ରେ ତାଳଚେର ନିର୍ବାଚନ ମଣ୍ଡଳୀ ର ସମସ୍ତ ବୁଥ୍ ସ୍ତରରୁ କାର୍ଯ୍ୟକର୍ତା ଯୋଗଦେବେ ବୋଲି ପ୍ରକାଶ କରିଥିଲେ |ତାଳଚେର ରୁ ଦଶ ହଜାର ରୁ ଉର୍ଦ୍ଧ କାର୍ଯ୍ୟକର୍ତା ଯୋଗଦେବେ ବୋଲି ଶ୍ରୀ ସାମଲ ପ୍ରକାଶ କରିଥିଲେ |ପ୍ରଧାନମନ୍ତ୍ରୀ ଆବାସ ଯୋଜନା ରେ ଅନିୟମିତତା କୁ ନେଇ ଆଗାମୀ ଦିନରେ ବ୍ଲକ ଘେରାଉ କରାଯିବ ବୋଲି ସେ ପ୍ରକାଶ କରିଥିଲେ |ତାଳଚେର ବିଧାନସଭା ସଂଯୋଜକ ରତ୍ନାକର ସାହୁ ଙ୍କ ସଂଯୋଜନା ରେ ଅନୁଷ୍ଠିତ ବୈଠକ ରେ ରାଜ୍ୟ ସମ୍ପାଦକ କାଳନ୍ଦି ସାମଲ ଙ୍କ ସମେତ ଜିଲ୍ଲା ଉପ ସଭାପତି ମନୋଜ ପ୍ରଧାନ, ଜିଲ୍ଲା ସମ୍ପାଦକ ପ୍ରଶାନ୍ତ ନନ୍ଦ, ଜିଲ୍ଲା ଏସ ସି ମୋର୍ଚ୍ଚା ସଭାପତି ଅଜୟ ଗୋଛାୟତ, ଜିଲ୍ଲା ଏସ ଟି ମୋର୍ଚ୍ଚା ସଭାପତି ଅର୍ଜୁନ କିସ୍କୁ, ମଣ୍ଡଳ ସଭାପତି ବରୁଣ ସାହୁ, ନରେଶ ବେହେରା, ହିମାଂଶୁ ପ୍ରଧାନ, ଉର୍ମିଳା ଗଡ଼ନାୟକ ଜସ୍ମିନ ପ୍ରଧାନ ଙ୍କ ସମେତ ସମସ୍ତ ଶକ୍ତିକେନ୍ଦ୍ର ର ପ୍ରଭାରୀ, ପ୍ରମୁଖ ଓ ସହ ପ୍ରମୁଖ ଙ୍କ ସମେତ ଶତାଧିକ କାର୍ଯ୍ୟକର୍ତା ଯୋଗ ଦେଇଥିଲେ |