ରାମକୃଷ୍ଣ ସେବାଶ୍ରମରେ ଜାତୀୟ ଯୁବ ସପ୍ତାହ ପାଳିତ

ଖୋର୍ଦ୍ଧା ଜିଲ୍ଲା ବୋଲଗଡ ବ୍ଲକ୍ ଟିକାତାଳସ୍ଥ ଶ୍ରୀରାମକୃଷ୍ଣ ସେବାଶ୍ରମରେ ସ୍ବାମୀ ବିବେକାନନ୍ଦଙ୍କ ଜନ୍ମଦିବସ ଜାତୀୟ ଯୁବ ଦିବସ ଜାନୁଆରୀ ୧୨ ତାରିଖରୁ ଆରମ୍ଭ ହୋଇ ତାଙ୍କର ଜନ୍ମତିଥି ଆଜି ମକର ସଂକ୍ରାନ୍ତିରେ ଉଦଯାପିତ ହୋଇଯାଇଛି। ଏହି ଅବସରରେ ଆୟୋଜିତ ପ୍ରବନ୍ଧ, ବାଗ୍ମିତା, ସାଧାରଣ ଜ୍ଞାନ, ସ୍ବାମୀ ବିବେକାନନ୍ଦଙ୍କ ସ୍ବଦେଶ ମନ୍ତ୍ର ଉଚ୍ଚାରଣ ପ୍ରତିଯୋଗିତାର କନିଷ୍ଠ ଓ ବରିଷ୍ଠ ବର୍ଗର କୃତୀ ପ୍ରତିଯୋଗୀମାନଙ୍କୁ ମୁଖ୍ୟଅତିଥି ନୀରାଲକ୍ଷ୍ମୀ ପଲେଇ ପୁରସ୍କାର ବିତରଣ କରିଥିଲେ। ସଭାପତି ଭାବରେ ବାସୁଦେବ ମହାପାତ୍ର ଓ ସମ୍ମାନିତ ଅତିଥି ଭାବେ ବିଜୟ କୁମାର ମହାପାତ୍ର ଆସନ ଅଳଙ୍କୃତ କରିଥିଲେ। ସୁବଳ ଛୁଆଳସିଂହ, ବିମ୍ବାଧର ସାହୁ, କ୍ଷେତ୍ରମୋହନ ରଣା, ନଳିନୀ ସାହୁ, ଅଶୋକ କୁମାର ସାହୁ, ବାବାଜୀ ବେହେରା ପ୍ରମୁଖ ଉତ୍ସବଟିକୁ ସଂଯୋଜନା କରିଥିଲେ। ନୀଳମଣି ପଣ୍ଡା, ଶ୍ରୀକାନ୍ତ ନାୟକ, ମନୋଜ କୁମାର ଗୁମାନସିଂହ, ରାଜକିଶୋର ଛୁଆଳସିଂହ, ସାନନ୍ଦ କୁମାର ସାହୁ ବିଭିନ୍ନ ପ୍ରତିଯୋଗିତାର ବିଚାରକ ଭାବରେ ଯୋଗଦେଇଥିଲେ। ଏହି ଉତ୍ସବରେ ଆଖପାଖ ବିଦ୍ୟାଳୟରୁ ଏକଶହରୁ ଉର୍ଦ୍ଧ୍ବ ଛାତ୍ରଛାତ୍ରୀ ଯୋଗଦେଇଥିଲେ। ସର୍ବଶେଷରେ ଆଶ୍ରମର ସହସଂପାଦକ ଅଧ୍ୟାପକ ସର୍ବେଶ୍ବର ସାହୁ ଧନ୍ୟବାଦ ଅର୍ପଣ କରିଥିଲେ।