ଏସ୍.ୟୁ.ସି.ଆଇ(କମୁ୍ୟନିଷ୍ଟ) ପକ୍ଷରୁ ବୁକ୍ ଷ୍ଟଲ୍ ଉଦ୍ଘାଟିତ

ଅନୁଗୁଳ:

ଚଳିତ ବର୍ଷ ଲକ୍ଷ୍ମୀପୂଜା ଅବସରରେ ଏସ୍.ୟୁ.ସି.ଆଇ(କମୁ୍ୟନିଷ୍ଟ) ଅନୁଗୁଳ ଜିଲ୍ଲା କମିଟି ପକ୍ଷରୁ ଆଜି ଅପରାହ୍ନରେ ସ୍ଥାନୀୟ ପୁରୁଣା ବସ୍ଷ୍ଟାଣ୍ଡର ପୋଷ୍ଟ ଅଫିସ୍ ସମ୍ମୁଖରେ ଏକ ବୁକ୍ ଷ୍ଟଲ୍ ଉଦ୍ଘାଟିତ ହୋଇଯାଇଛି । ଏସ୍.ୟୁ.ସି.ଆଇ(କମୁ୍ୟନିଷ୍ଟ) ରାଜ୍ୟ କମିଟି ସଭ୍ୟ ନିରାକାର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ଉଦ୍ଘାଟନୀ କାର୍ଯ୍ୟକ୍ରମରେ ସହରର ବିଶିଷ୍ଟ ଶିକ୍ଷାବିତ୍ ତଥା ବୁଦ୍ଧିଜୀବୀ ଅଭିମନୁ୍ୟ ସ୍ୱାଇଁ ମୁଖ୍ୟ ଅତିଥିଭାବେ ଯୋଗଦେଇ ବୁକ୍ ଷ୍ଟଲ୍କୁ ଉଦ୍ଘାଟନ କରିଥିଲେ । ବର୍ତ୍ତମାନର ଅବକ୍ଷୟମୁଖୀ ସମାଜରେ ଏକ ସୁସ୍ଥ ସୁନ୍ଦର ପ୍ରଗତିଶୀଳ ସାଂସ୍କୃତିକ ଧାରା ସୃଷ୍ଟି କରିବା ଉଦେ୍ଦଶ୍ୟରେ ବୁକ୍ ଷ୍ଟଲ୍ ଖୋଲାଯାଇଛି ବୋଲି ସଂଗଠନ ପକ୍ଷରୁ କୁହାଯାଇଛି । ଏହି ବୁକ୍ ଷ୍ଟଲ୍ରେ ଏ ଯୁଗର ବିଶିଷ୍ଟ ମାର୍କ୍ସବାଦୀ ଦାର୍ଶନିକ ଶିବଦାସ ଘୋଷଙ୍କ ରଚିତ ବିପ୍ଳବୀ ପୁସ୍ତକ, ନେତାଜୀ, ଭଗତ ସିଂ, ଗୋପବନ୍ଧୁ, ବିଦ୍ୟାସାଗରଙ୍କ ଭଳି ମହାମନୀଷୀଙ୍କ ଜୀବନୀ, ପ୍ରଗତିଶୀଳ ସାହିତି୍ୟକଙ୍କ ସାହିତ୍ୟ ସମେତ ବିଜ୍ଞାନ ସମ୍ପର୍କିତ ପୁସ୍ତକ ସବୁ ବିକ୍ରୟ କରାଯାଉଛି । ଆଜିର ଉଦ୍ଘାଟନୀ କାର୍ଯ୍ୟକ୍ରମରେ ଏସ୍.ୟୁ.ସି.ଆଇ(କମୁ୍ୟନିଷ୍ଟ) ଜିଲ୍ଲା କମିଟି ସଭ୍ୟ ନବକିଶୋର ପ୍ରଧାନ, ବ୍ରଜବନ୍ଧୁ ସାହୁ, ସୁବାସ ପ୍ରଧାନ, ତୀର୍ଥବାସୀ ଭୋଇ, ସରୋଜିନୀ ନାୟକ, ସଞ୍ଜୟ ସାହୁଙ୍କ ସମେତ ସଂଗଠନର ବହୁ କର୍ମୀ, ସମର୍ଥକ ଉପସ୍ଥିତ ଥିଲେ ।