ସିଦ୍ଧିପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସାରଥୀ ସାମନ୍ତରାୟଙ୍କ ଅବସରକାଳୀନ ସମ୍ବର୍ଦ୍ଧନା ଉତ୍ସବ ସମ୍ପନ୍ନ
ସିଦ୍ଧିପୁର ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଶ୍ରୀମତୀ ସାରଥୀ ସାମନ୍ତରାୟଙ୍କ ଅବସରକାଳୀନ ସମ୍ବର୍ଦ୍ଧନା ଉତ୍ସବ ଏକ ଭାବବିହୋଳ ପରିବେଶରେ ସମ୍ପନ୍ନ ହୋଇଯାଇଅଛି । ଉକ୍ତ ସମ୍ବର୍ଦ୍ଧନା ସଭାରେ ଧର୍ମଶାଳା ମଣ୍ଡଳ ଶିକ୍ଷାଅଧିକାରୀ ଶ୍ରୀ ନିକୁଞ୍ଜ ବିହାରୀ ମହାନ୍ତି ଉଦ୍ଘାଟକ, ମୁଖ୍ୟଅତିଥି ଶ୍ରୀ ପ୍ରଭାତ କୁମାର ବଳବନ୍ତରାୟ ପଞ୍ଚାୟତ ସମିତି ଅଧ୍ୟକ୍ଷ, ମୁଖ୍ୟବକ୍ତା ଗୋକର୍ଣ୍ଣିକା ସମ୍ପାଦକ ରମାକାନ୍ତ ଜେନା, ସମ୍ମାନୀତ ଅତିଥି ପୂର୍ବତନ ଯାଜପୁର ସାଂସଦ ଶ୍ରୀମତୀ ରୀତା ତରାଇ, ୧୩ ନଂ ଜୋନ ଜିଲ୍ଲା ପରିଷଦ ସଭ୍ୟା ଶ୍ରୁତିରେଖା ବେହେରା, କ୍ଷେତ୍ରପାଳ ଗ୍ରାମପଞ୍ଚାୟତ ସରପଞ୍ଚ ଫକୀର ନାରାୟଣ ମିଶ୍ର, ସମିତି ସଭ୍ୟା ଶୁଚିସ୍ମିତା ଦାସ, ବିଦ୍ୟାଳୟ ପରିଚାଳନା କମିଟି ସଭାପତି ରଞ୍ଜନ କୁମାର ଜେନା, ଧର୍ମଶାଳା ପ୍ରାଥମିକ ଶିକ୍ଷକ ସଂଘ ସଭାପତି ଯୁଗଳ କିଶୋର ଦାସ, ମୋ ସ୍କୁଲ ଅଭିଯାନ ସଂଯୋଜକ ମମିତା ମହାନ୍ତି, ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ବୀରକିଶୋର ସେନାପତି ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ । ଛାତ୍ରଛାତ୍ରୀମାନଙ୍କ ଦ୍ୱାରା ଚିତାକର୍ଷକ ପ୍ରାରମ୍ଭିକ ସଙ୍ଗୀତ ନୃତ୍ୟ ଗୁରୁ ବିପିନ ବିହାରୀ ସ୍ୱାଇଁଙ୍କ ତତ୍ତ୍ୱାବଧାନରେ ପରିବେଷଣ କରାଯାଇଥିଲା । ଉକ୍ତ ଅବସରରେ “ସାର୍ଥକ ସାରଥୀ” ନାମରେ ଏକ ସ୍ମରଣୀକା ଅତିଥିମାନଙ୍କ ଦ୍ୱାରା ଉନ୍ମୋଚିତ ହୋଇଥିଲା । ପ୍ରାରମ୍ଭିକ ଭାଷଣ ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷୟତ୍ରୀ ସିପ୍ରା ବେହେରା କାର୍ଯ୍ୟାକ୍ରମକୁ ଶିକ୍ଷାବିତ୍ ଜଗନ୍ନାଥ ସାମନ୍ତରାୟ ପରିଚାଳନା କରିଥିବା ବେଳେ ପୂର୍ବତନ ସମିତି ସଭ୍ୟ ଯତୀନ୍ଦ୍ର ମହାପାତ୍ର ଧନ୍ୟବାଦ ଅର୍ପଣ କରିଥିଲେ । ଉକ୍ତ ଅବସରରେ ଶ୍ରୀମତୀ ସାମନ୍ତରାୟଙ୍କୁ ଶିକ୍ଷାଦାନ କରିଥିବା ଶ୍ରୀଯୁକ୍ତ କୃଷ୍ଣ ଚନ୍ଦ୍ର ଜେନା, ବିଜୟ କର,ନରେନ୍ଦ୍ର ରାଉତ, ମହେନ୍ଦ୍ର ସାହୁ, ବଟକୃଷ୍ଣ ସାହୁ ତଥା ବିଶିଷ୍ଟ ଶିକ୍ଷାବିତ୍ ପୂର୍ବତନ ଅବସରପ୍ରାପ୍ତ ମଣ୍ଡଳ ଶିକ୍ଷା ଅଧିକାରୀ ବ୍ରହ୍ମାନନ୍ଦ ଦାସ ପ୍ରମୁଖଙ୍କୁ ଉପଢେ଼øକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରାଯାଇଥିଲା । ଉକ୍ତ କାର୍ଯ୍ୟକ୍ରମରେ ଅଞ୍ଚଳର ବୁଦ୍ଧିଜୀବୀ, ଅଭିଭାବକ ଓ ଛାତ୍ରଛାତ୍ରୀ ବୃନ୍ଦ ତଥା ସହପାଠି ଓ ପରିବାରବର୍ଗ ଉପସ୍ଥିତ ଥିଲେ । ସଭା ଶେଷରେ ଭୁରି ଭୋଜନର ଆୟୋଜନ କରାଯାଇଥିଲା ।