ପାରାଦୀପ ସ୍ଥିତ ଜେ ଏସ ଡ ବ୍ଲୁ କାର୍ଯ୍ୟାଳୟ ପରିସରରେ ଭିନ୍ନ ଢ଼ଙ୍ଗରେ ଦୀପାବଳୀ ଉତ୍ସବ ପାଳିତ

ପାରାଦୀପ _

 ପାରାଦୀପ ମଧୁବନ ସ୍ଥିତ ଜେ ଏସ ଡ ବ୍ଲୁ କାର୍ଯ୍ୟାଳୟ ତଥା ଜଟାଧାର ଭବନ ପରିସରରେ ଆଲୋକର ପର୍ବ ଦୀପାବଳୀ ଉତ୍ସବ ପାଳିତ ହୋଇଯାଇଛି। ଦୁଇ ଦିନ ଧରି ଏହି ଉତ୍ସବକୁ କର୍ମଚାରୀ ମାନେ ଭିନ୍ନ ଢ଼ଙ୍ଗରେ ପାଳନ କରିଥିଲେ। ପ୍ରଥମ ଦିନରେ ମହିଳା କର୍ମଚାରୀ ମାନଙ୍କ ମଧ୍ୟରେ ରଙ୍ଗୋଲି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଦିତୀୟ ଦିନରେ ସେହି ମହିଳା କର୍ମଚାରୀ ମାନଙ୍କ ମଧ୍ୟରେ ଫ୍ୟାସନ୍ ୱାକ ପ୍ରତିଯୋଗିତା କରାଯାଇଥିଲା। ଦୁଇ ଦିନ ଧରି ଏହି ପ୍ରତିଯୋଗିତାରେ କାର୍ଯ୍ୟାଳୟର ପ୍ରାୟ ସମସ୍ତ ମହିଳା କର୍ମଚାରୀ ଯୋଗ ଦେଇଥିଲେ।ଜେ ଏସ ଡ ବ୍ଲୁ ସ୍ଥାନୀୟ କାର୍ଯ୍ୟାଳୟର ବରିଷ୍ଠ ଅଧିକାରୀ ଏନ୍ ପୁରୋହିତ, ଧନଞ୍ଜୟ କୁମାର ସିହ୍ନା, ଏନ୍ ଏମ୍ ଚୋଗଲେକର, ଶିଭାଶିଷ ମିଶ୍ର ପ୍ରମୁଖ ବିଚାରକ ମଣ୍ଡଳୀ ଭାବେ ଉପସ୍ଥିତ ଥିଲେ।ଏହି 

ପରେ ଏହି ସମସ୍ତ ସଫଳ ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା। ରଙ୍ଗୋଲି ପ୍ରତିଯୋଗିତାରେ ପୂଜାରାଣୀ  ସାହୁ ଓ ପିଆଲି ଜେନା ପ୍ରଥମ, ବିଜୟଲକ୍ଷ୍ମୀ ମହାପାତ୍ର ଓ ଶସ୍ମିତା ମୁଦୁଲି ଦିତୀୟ, ଶ୍ରାବଣୀ ପ୍ରଧାନ ଓ ମୋନାଲିସା ଦାସ ତୃତୀୟ ସ୍ଥାନ ଅଧିକାର କରିଥିଲେ। ସେହିଭଳି ଫ୍ୟାସନ୍ ଶୋ ରେ ଝାନସୀ ମଲ୍ଲ ପ୍ରଥମ, ମୋନାଲିସା ରାଉତ ଦିତୀୟ ଓ ଶସ୍ମିତା ମୁଦୁଲି ତୃତୀୟ ସ୍ଥାନ ଅଧିକାର କରିଥିଲେ ଏହି ସମସ୍ତ ସଫଳ ପ୍ରତିଯୋଗୀମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା।ଏଥି ସହିତ ପ୍ରତିଯୋଗିତାରେ ଭାଗ ନେଇଥିବା ସମସ୍ତ ମହିଳା କର୍ମଚାରୀ ମାନଙ୍କୁ ଉତ୍ସାହିତ କରିବା ସହିତ ବିଗତ ଦିନରେ ବିଭିନ୍ନ କାର୍ଯ୍ୟକ୍ରମରେ ଏମାନଙ୍କ ସହଯୋଗକୁ ବରିଷ୍ଠ ଅଧିକାରୀ ମାନେ ପ୍ରଶଂସା କରିଥିଲେ। ଶେଷରେ ଆଲୋକର ପର୍ବ ଦୀପାବଳୀକୁ ନିଜ ନିଜର ପରିବାର ସହିତ ଆନନ୍ଦ ଉଲ୍ଲାସରେ ପାଳନ କରିବାକୁ ସମସ୍ତଙ୍କୁ ଶୁଭେଚ୍ଛା ଜଣାଇଥିଲେ। ଏହି ସମସ୍ତ କାର୍ଯ୍ୟକ୍ରମକୁ ଅଧିକାରୀ ମାନସ ମିଶ୍ର, ସୁଲୋଚନା ଜେନା ପ୍ରମୁଖ ପରିଚାଳନା କରିଥିଲେ।