ପାରାଦୀପ ସତ୍ୟସାଇ ସେବା ସଂଗଠନ ପକ୍ଷରୁ ରକ୍ତଦାନ ଶିବିର ଆୟୋଜିତ

ପାରାଦୀପ – ଶ୍ରୀ ସତ୍ୟସାଇ ବାବା ଙ୍କ ୯୮ ତମ ଜନ୍ମ ଦିବସ ପରିପ୍ରେକ୍ଷୀରେ ପାରାଦୀପର ସତ୍ୟସାଇ ସେବା ସଂଗଠନ ପକ୍ଷରୁ ଏକ ରକ୍ତଦାନ ଶିବିର ସତ୍ୟସାଇ ମନ୍ଦିର ପରିସରରେ ରବିବାର ଦିନ ଆୟୋଜିତ ହୋଇଯାଇଛି l ଏହି ଅବସରରେ ପାରାଦୀପ ପୌରାଧ୍ୟକ୍ଷ ବସନ୍ତ ବିଶ୍ୱାଳ ମୁଖ୍ୟ ଅତିଥି ଭାବେ ଯୋଗଦେଇ ଆନୁଷ୍ଠାନିକ ଭାବେ ଏହି ଶିବିରକୁ ଉଦଘାଟନ କରିଥିଲେ l ରକ୍ତଦାନ କରି ପ୍ରତ୍ୟେକ ସୁସ୍ଥ ମଣିଷ କିପରି ଏକ ସୁସ୍ଥ ସମାଜ ଗଠନ କରିପାରିବ ଏବଂ ରକ୍ତଦାନର ମହତ୍ୱ ଉପରେ ମୁଖ୍ୟ ଅତିଥି ଶ୍ରୀ ବିଶ୍ୱାଳ ଆଲୋକପାତ କରି ସତ୍ୟସାଇ ସେବା ସମିତି ର କାର୍ଯ୍ୟକୁ ପ୍ରଶଂସା କରିଥିଲେ l ଅନ୍ୟମାନଙ୍କ ମଧ୍ୟରେ ବନ୍ଦର ଛକିତ୍ସାଳୟର ବରିଷ୍ଠ ଡାକ୍ତର ରାଜ କିଶୋର ମଲ୍ଲିକ ଏବଂ ଆଇନଜୀବୀ ସୁରେଶ ଚନ୍ଦ୍ର ଦାସ ସମ୍ମାନିତ ଅତିଥି ଭାବେ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ l ସେବା ସଂଗଠନର ଜିଲ୍ଲା ସଭାପତି ଦାମୋଦର ସ୍ୱାଇଁ, ଆବାହକ ସଂଯମ କୁମାର ଦାଶ ଏବଂ ସଂଗଠନର ଅନ୍ୟାନ୍ୟ ସଦସ୍ୟ ମାନଙ୍କର ସକ୍ରିୟ ଅଂଶଗ୍ରହଣ ଓ ସହଯୋଗରେ ଏହି ରକ୍ତଦାନ ଶିବିର ସଫଳ ହୋଇଥିଲା l କଟକ ରେଡ଼କ୍ରସ ରକ୍ତ ସଂଗ୍ରହ କେନ୍ଦ୍ରର ସହଯୋଗରେ ଆୟୋଜିତ ଏହି ଶିବିରରୁ ସର୍ବମୋଟ ୬୪ ୟୁନିଟ ରକ୍ତ ସଂଗୃହିତ ହୋଇଥିଲା l