ଜାତୀୟ ସ୍ତରକୁ ମନୋନୀତ ;
ଧାନଘେରା ମଡ଼େଲ ସ୍କୁଲ ଛାତ୍ର

ଖୁଣ୍ଟା –
ଖୁଣ୍ଟା ବ୍ଳକ ଅଧିନ ଧାନଘେରା
ଏକଲବ୍ୟ ଆଦର୍ଶବିଦ୍ୟାଳୟର ଜଣେ ୮ ମ ଶ୍ରେଣୀର ଛାତ୍ର ଜାତୀୟସ୍ତର ପାଇଁ ମନୋନୀତ ହୋଇଥିବା ଜଣାଯାଇଛି । ସୂଚନା ଅନୁଯାୟୀ ସ୍କୁଲ ଏଣ୍ଡ ଗେମ ଫେଡ଼େରେସନ ଇଣ୍ଡିଆ ବା (ଏସ ଜିଏଫଆଇ ) ଆନୁକୁଲ୍ୟରେ ଜଗତସିଂହପୁର ଜିଲ୍ଲା ପାରାଦୀପ ଏନଏସି ବାଳିକା ହାଇସ୍କୁଲ ଠାରେ ଅନୁଷ୍ଠିତ ହୋଇଥିବା ରାଜ୍ୟସ୍ତରୀୟ ଦୌଡ଼କୁଦ ପ୍ରତିଯୋଗୀତାରେ ଧାନଘେରା ଏକଲବ୍ୟ ଆଦର୍ଶ ବିଦ୍ୟାଳୟର ଛାତ୍ର ଓମ୍ ଜାଗେନ ମାଝୀ ୧୪ ବର୍ଷ କମ ବାଳକ ବର୍ଗ ରେ ଅଂଶଗ୍ରହଣ କରିଥିଲେ । ଏହି ପ୍ରତିଯୋଗୀତାରେ ଜାଗେନ ୧୦୦ ମିଟର ଦୌଡ଼ ରେ ସ୍ୱର୍ଣ୍ଣ , ୮୦ ମିଟର ପ୍ରତିବନ୍ଧକ ଦୌଡ଼ ବା ହାଡ଼ଲେସ ରେସ ରେ ସ୍ୱର୍ଣ୍ଣ ହାସଲ କରିବା ସହିତ ୪ X୧୦୦ ରିଲେ ରେସ ରେ ଅଂଶଗ୍ରହଣ କରି ରୌପ୍ୟ ହାସଲ କରି ଜାତୀୟସ୍ତରକୁ ମନୋନୀତ ହୋଇଛନ୍ତି । ତେବେ ସଂପୃକ୍ତ ବିଭାଗରୁ ଜାଗେନ ଏକ ମାତ୍ର ଛାତ୍ର ରୁପେ ଜିଲ୍ଲାରୁ ମନୋନୀତ ହୋଇଥିବା ଜଣାଯାଇଛି । ଛାତ୍ର ଜାଗେନଙ୍କ ଏହି ସଫଳତାକୁ ନେଇ ବିଦ୍ୟାଳୟର ଅଧ୍ୟକ୍ଷ ପ୍ରଶାନ୍ତ କୁମାର ରାୟଗୁରୁ , କ୍ରୀଡ଼ା ଶିକ୍ଷକ ନୟନରଞ୍ଜନ ପଣ୍ଡା, ସମସ୍ତ ଶିକ୍ଷକ ଶିକ୍ଷୟତ୍ରୀ ଓ ଛାତ୍ରଛାତ୍ରୀମାନଙ୍କ ସମେତ ବିଭିନ୍ନ ମହୋଲରୁ ତାଙ୍କୁ ଶୁଭେଚ୍ଛା ଜ୍ଞାପନ କରାଯାଇଛି ।