ୟୁଥ୍ ହଷ୍ଟେଲସ ଆସୋସିଏସନ୍ ଇଣ୍ଡିଆର ୭୫ ବର୍ଷ ପୂର୍ତ୍ତି ଅବସରରେ ବ୍ରହ୍ମପୁର ଶାଖା ତରଫରୁ ପଞ୍ଚମ ରାଜ୍ୟ ସ୍ତରୀୟ ସାଇକେଲ ଏକସପେଡିସନ ଆୟୋଜିତ

ବ୍ରହ୍ମପୁର – ୟୁଥ୍ ହଷ୍ଟେଲସ ଆସୋସିଏସନ୍ ଇଣ୍ଡିଆର ୭୫ ବର୍ଷ ପୂର୍ତ୍ତି ଅବସରରେ ବ୍ରହ୍ମପୁର ଶାଖା ତରଫରୁ ରବିବାର ଦିନ ଛାତ୍ର ମାନଙ୍କୁ ନେଇ ପଞ୍ଚମ ରାଜ୍ୟ ସ୍ତରୀୟ ସାଇକେଲ ଏକସପେଡିସନ ଆୟୋଜିତ ହୋଇଯାଇଛି l ଏହା ବ୍ରହ୍ମପୁର ଖଲିକୋଟ କଲେଜ ସମ୍ମୁଖରୁ ବାହାରି ଅlମ୍ବଗଡ ଲାଞ୍ଜିଆ ଦେଈ ମହୁରି କlଳୁଆ ପୀଠରେ ପହଂଚି ଥିଲା l ସେଠାରୁ ଶୁକୁଣ୍ଡା ହରିଡ଼ାଖଣ୍ଡି ମିନାକ୍ଷୀ ନଗର ଦେଇ ଆମ୍ବ ମାର୍କେଟ ଠାରେ ସମାପ୍ତ ହୋଇଥିଲା l ସାଇକେଲ ରାଲିକୁ ଗଂଜାମ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଡାକ୍ତର ଉମା ଶଙ୍କର ମିଶ୍ର ପତାକା ଦେଖାଇ ଶୁଭାରମ୍ଭ କରିଥିଲେ l ଅନ୍ୟ ମାନଂକ ମଧ୍ୟରେ ରାଜ୍ୟ ଅଧକ୍ଷ ପଦ୍ମନାଭ ଦାଭେ, ରାଜ୍ୟ ଉପ ସଭାପତି ତଥା ବ୍ରହ୍ମପୁର ଜୋନ ଅଧକ୍ଷ ଡାକ୍ତର କମଳ କାନ୍ତ ପାଣିଗ୍ରାହୀ, ଜୋନ ସମ୍ପାଦକ ବାଳ ଗୋପାଳ ଖlଡଙ୍ଗl, ଜୋନ କୋଷlଧକ୍ଷ ପ୍ରଫୁଲ୍ଲ ରlଥୋଡ ଓ ରାଜ୍ୟ କୋଷlଧକ୍ଷ ବିବେକ ସରାଫ ଉପସ୍ଥିତି ଥିଲେ l ସେଣ୍ଟ ଜାଭିୟର୍ସ ସ୍କୁଲ୍, ବେଦବ୍ୟାସ କଲେଜ ଆମ୍ବପୁଆ ଓ ମିନାକ୍ଷୀ ନଗରର ଛାତ୍ରମାନେ ସାଇକେଲ ରାଲିରେ ଯୋଗ ଦେଇଥିଲେ l ମହୁରି କlଳୁଆରେ ରହଣି ଅବସରରେ ସାଇକେଲ ଚାଳକଙ୍କ ମଧ୍ୟରେ ସ୍ୱାସ୍ଥ୍ୟ, ସ୍ବଚ୍ଛତା ପରିବେଶ ଓ ଜଳ ସଂରକ୍ଷଣ ଉପରେ ଆଲୋଚନା ହୋଇଥିଲା l ଏଠାରେ ଓଡିଆ ସିନେମା ଷ୍ଟାର ଧିରେନ୍ ତ୍ରିପାଠୀ ଯୋଗଦେଇ ଛାତ୍ର ମାନଂକ ସହ ଭାବ ବିନିମୟ କରିବା ସହ ରାଲିରେ ଅଂଶ ଗ୍ରହଣ କରିଥିଲେ l ଏହି ଅବସରରେ ଜୟ ନାରାୟଣ, ପ୍ରଫୁଲ୍ଲ, ନବୀନ, ଦୁର୍ଯ୍ୟଧନ, ଅଶୋକ, ଏସ୍ତମା ପ୍ରଧାନ ଓ ରବି ନାରାୟଣ ମହାରଣାଙ୍କ ସମେତ ବ୍ରହ୍ମପୁର ଜୋନର ଅନ୍ୟ ସଦସ୍ୟମାନେ କାର୍ଯ୍ୟକ୍ରମ ପରିଚାଳନା କରିଥିଲେ l