୨ ବର୍ଷର ଶିଶୁକୁ ଓ ବୃଦ୍ଧାଙ୍କୁ ଛୁରୀରେ ଭୂଷି ହତ୍ୟା

ନବରଙ୍ଗପୁର:- ଦୁଇ ବର୍ଷର ଶିଶୁ ପୁତ୍ରକୁ ଓ ଜଣେ ବୃଦ୍ଧାଙ୍କୁ ଯୁବକ ଜଣେ ଛୁରୀରେ ଭୂଷି ହତ୍ୟା କରିଛି ।ଘଟଣା ସ୍ଥଳରେ ହିଁ ଦୁଇ ଜଣଙ୍କ ମୃତ୍ୟୁ ହୋଇଥିଲା ।ଖବର ପାଇ ପୋଲିସ ପହଞ୍ଚି ଦୁଇ ଶବକୁ ଉଦ୍ଧାର କରିବା ସହିତ ଅଭିଯୁକ୍ତକୁ ଗିରଫ କରିଛନ୍ତି ।ଏପରି ଅଭାବନୀୟ ଘଟଣା ଘଟିଛି ନବରଙ୍ଗପୁର ପାପଡାହାଣ୍ଡି ବ୍ଲକ ମୈଦଲପୁର ପଂଚାୟତ ର ଗୁଜୁମା ପଦର ଗ୍ରାମରେ । ଶୁକ୍ରବାର ସକାଳ ୮ଟା ବେଳେ ଗ୍ରାମ ର ରାଧ ସାନ୍ତା ନିଜର ଦୁଇ ବର୍ଷ ର ପୁଅ ବିବେ ସାନ୍ତା କୁ କଟୁରୀ ରେ ଆକ୍ରମଣ କରୁଥିବା ବେଳେ ପଡିଶା ଘର ର ବୃଦ୍ଧା ଜନାଏ ସାନ୍ତା ଛଡାଇବା ପାଇଁ ଯାଇଥିଲା l ଜନାଏ କୁ ମଧ୍ୟ କଟୁରୀ ରେ ଆକ୍ରମଣ କରିବାରୁ ଘଟଣା ସ୍ଥଳରେ ରେ ରାଧ ର ପୁଅ ବିବି ଓ ଜନାଏ ର ମୃତ୍ୟୁ ହୋଇଥିଲା l ଏ ନେଇ ମୈଦଲପୁର ଥାନା ରେ ଜନାଏର ପୁଅ ସିମାଞ୍ଚଳ ସାନ୍ତା ଲିଖିତ ଅଭିଯୋଗ କରିଛି l ସୂଚନା ଅନୁସାରେ,ରାଧ ଓ ସ୍ତ୍ରୀ ମାଳତ ଘରେ ଥିବା ବେଳେ କୌଣସି କଥା କୁ ନେଇ ହଠାତ ରାଗି ଯାଇ ମାଳତ କୁ ମାଡ଼ ମାରି କଟୁରୀ ରେ ଆକ୍ରମଣ କରିବାକୁ ଯିବା ବେଳେ ଭୟ ରେ ମାଳତ ଘରେ ଥିବା ପୁଅ କୁ ଛାଡି ଚାଲିଯାଇଥିଲା l ପୁଅ ବିବେ ସାନ୍ତା କୁ ତଳେ କଚାଡି କଟୁରୀ ରେ ଭୁସିବା ବେଳେ ପଡିଶା ଘର ର ବୃଦ୍ଧା ଜନାଏ ଛଡାଇବା କୁ ଯାଇ ଆକ୍ରମଣ ର ଶିକାର ହୋଇଥିଲେ l ଘଟଣା ସ୍ଥଳରେ ବିବି ଓ ଜନାଏ ର ମୃତ୍ୟୁ ଘଟିଥିଲା l ନବରଙ୍ଗପୁର ରୁ ଏକ ସାଇଣ୍ଟିଫିକ ଟିମ ପହଂଚି ତଦନ୍ତ କରୁଛି l ଏ ନେଇ ଥାନା ରେ କେଶ ନଂ ୧୫୪/୨୩ରେ ମାମଲା ରଜୁ ହେବା ସହ ଥାନା ଅଧିକାରୀ ବିପିନ କୁମାର କୁଲଦୀପ ତଦନ୍ତ କରୁଛନ୍ତି l ଘଟଣା ସ୍ଥଳରେ ପାପଡାହାଣ୍ଡି ଏସ୍ଡିପିଓ ଆଦିତ୍ୟ ସେନ, ପାପଡାହାଣ୍ଡି ଏସ ଆଇ ଶିବଜୀ ପଣ୍ଡା, ଥାନା ଏ ଏସ ଆଇ କୋମଳଲୋଚନ ନାୟକ, ଲୋକେଶ ଭୋଇ ପ୍ରମୁଖ ଉପସ୍ଥିତ ଥିଲେ l