ସପ୍ତାହ ବ୍ୟାପୀ ଏଡ଼ସ ଦିବସ ପାଳିତ।

ବାସୁଦେବପୁର – ନୁହାସ ଟିଆଇ ପ୍ରୋଜେକ୍ଟ ବାସୁଦେବପୁର ଦ୍ଵାରା ସପ୍ତାହ ବ୍ୟାପୀ ଏଡ଼ସ ଦିବସ ପାଳନ କରାଯାଇଛି। ଏହି ଅବସର ରେ ବିଭିନ୍ନ ସ୍ଥାନ ରେ ଝୋଟି, ଚିତ୍ରାଙ୍କନ, ତର୍କ ପ୍ରତିଯୋଗିତା ଅନୁଷ୍ଠିତ ହୋଇଛି। କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ ମଧ୍ୟ କରାଯାଇଛି। ବିଭିନ୍ନ ସ୍ଥାନ ରେ ରୋଡ ସୋ କରାଯିବା ସହ ବିଭିନ୍ନ ମହାବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କୁ ନେଇ ସଚେତନତା ସୃଷ୍ଟି କରାଯାଇଛି। ବିଭିନ୍ନ ସ୍ଥାନ ରେ ଲିଫ୍ଟ ଲେଟ୍ ବଣ୍ଟନ, ଅନ୍ୟାନ୍ୟ ସାମଗ୍ରୀ ବଣ୍ଟନ ମଧ୍ୟ କରାଯାଇଛି। ଏହି ଅବସର ରେ ଆୟୋଜିତ କାର୍ଯ୍ୟ କର୍ମ କୁ କଳ୍ପତରୁ ସଂସ୍କୃତ ମହାବିଦ୍ୟାଳୟ ର ଅଧ୍ୟକ୍ଷ ପ୍ରଶାନ୍ତ କୁମାର ପାଢ଼ୀ ପତାକା ଦେଖାଇ ଶୁଭାରମ୍ଭ କରିଥିଲେ। ପ୍ରୋଜେକ୍ଟ ଅଧିକାରୀ ମନୋଜ କୁମାର ବାରିକ୍ ଙ୍କ ସହ ବଳରାମ ପାତ୍ର, ନମିତା ବଳ, ସର୍ବେଶ୍ଵର ମହାନ୍ତି, ଲକ୍ଷ୍ମୀ ବେହେରା, ସୁପ୍ରଭା ବେହେରା, ରିତା ମାହୁନ୍ତ, ତାପସ ବାରିକ୍, ଜୟ ଲଳିତା ମାଇଟି, ଶଙ୍କର ଜେନା ପ୍ରମୁଖ ଉପସ୍ଥିତ ରହି ସଫଳ କରାଇ ଥିଲେ।