ମୁକ୍ତମଞ୍ଚ ନାଟକ ପ୍ରତିଯୋଗିତା ଉଦଯାପିତ 

କାକଟପୁର ତା ୫/୧୨, ପବିତ୍ର କାର୍ତ୍ତିକ ପୂର୍ଣ୍ଣମୀ ଅବସରରେ ପୁରୀଜିଲ୍ଲା ନଇଗୁଆଁ ଠାରେ ଚାଲିଥିବା ମୁକ୍ତମଞ୍ଚ ନାଟକ ପ୍ରତିଯୋଗିତା ଉଦଯାପିତ ହୋଇଯାଇଛି l ଏହି ନାଟକ ପ୍ରତିଯୋଗିତାରେ ରାଜ୍ୟର ଅଗ୍ରଣୀ ନାଟ୍ୟ ଅନୁଷ୍ଠାନ ଯୋଗଦେଇଥିଲେ l ବିଚାରକ ମାନେ କାକଟପୁର ବ୍ଲକ ପଥରପକା ଗ୍ରାମର ମା ବାଟ ମଙ୍ଗଳା ନାଟ୍ୟ ସଂସଦ ଦ୍ୱାରା ପରିବେଶିତ ସନ୍ତୋଷ କୁମାର ସ୍ୱାଇଁ (ଟୁଟୁ) ଙ୍କ ପ୍ରଯୋଜିତ କାବୁଲା ବିଶ୍ୱାଳ ଏବଂ ଅଜିତ ନାୟକଙ୍କ ପରିଚାଳିତ ଧ୍ରୁବଚରଣ ଖୁଣ୍ଟିଆ ଙ୍କ ନିର୍ଦ୍ଦେଶନା  ର ନାଟକ ଆଖି ଅବୁଝାକୁ ଲୁହ ଅବୁଝା ନାଟକ କୁ ଶ୍ରେଷ୍ଠ ନାଟକ ଭାବେ ବିବେଚନା କରି ପୁରସ୍କୃତ କରିଥିଲେ l ଗ୍ରାମର ଅଗ୍ରଣୀ କଳାକାର ରମାକାନ୍ତ ନାୟକ,ସୁଦର୍ଶନ ନାୟକ, ଟୁଲୁ ନାୟକ, ଦୁଷ୍ମନ୍ତ ସ୍ୱାଇଁ, ଦିପୁନା ନାୟକ ଓ ସଞ୍ଜୟ ମଲ୍ଲିକ ଙ୍କ ଦ୍ୱାରା ପରିବେଶିତ ଉକ୍ତ ନାଟକ ଟି ବେଶ ଉଚ୍ଚ କୋଟିର ହୋଇଥିଲା l ସେହିପରି ମା ଲଷ୍ମୀ ନାଟ୍ୟ ସଂସଦ ଅସ୍ତରଙ୍ଗ  ଉପ ବିଜେତା ଭାବେ ପୁରସ୍କୃତ ହୋଇଛି l ବିଜେତା ଦଳକୁ ନଗଦ 30 ହଜାର ଟଙ୍କା ଓ ଉପବିଜେତା ଦଳକୁ 20 ହଜାର ଟଙ୍କା ପୁରସ୍କାର ରାଶି ପ୍ରଦାନ କରାଯାଇଛି l ଉକ୍ତ ପୁରସ୍କାର ବିତରଣ ଉତ୍ସବରେ ମୁଖ୍ୟ ଅତିଥି ଭାବେ ଓଡିଶା ଯାତ୍ରାଜଗତର ଲୋକପ୍ରିୟ ଅଭିନେତା ଗୌର ଦାଶ ଯୋଗଦେଇଥିବାବେଳେ ସମ୍ମାନିତ ଅତିଥି ଭାବେ କଂଗ୍ରେସ ଯୁବନେତା ବିଶ୍ୱଭୂଷଣ ଦାସ, ନାଇଗୁଆଁ ସରପଞ୍ଚଙ୍କ ପ୍ରତିନିଧି ପ୍ରତାପ ଖୁଣ୍ଟିଆ ଯୋଗଦେଇଥିଲେ l ବିଜୟୀ ନାଟ୍ୟ ସଂସଦର ମୁଖ୍ୟ ପରିଚାଳକ ଭାବେ ନିଶିକାନ୍ତ ସ୍ୱାଇଁ, ରାକେଶ ନାୟକ ଓ ବାଉରୀବନ୍ଧୁ ପରିଡା ଦାୟିତ୍ୱ ତୁଲାଇଥିଲେ l