ଶ୍ରୀନଗରରେ ଆତଙ୍କବାଦୀ ଆକ୍ରମଣ, ଜଣେ ପୁଲିସ କର୍ମୀ ଆହତ

ଶ୍ରୀନଗର: ଜମ୍ମୁ-କଶ୍ମୀରର ଶ୍ରୀନଗରରେ ଆତଙ୍କବାଦୀ ଆକ୍ରମଣରେ ଜଣେ ପୁଲିସ କର୍ମଚାରୀ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି। ତାଙ୍କ ଅବସ୍ଥା ଗୁରୁତର ରହିଛି । ଘଟଣାଟି ଶ୍ରୀନଗରର ବେମିନା ଅଞ୍ଚଳରେ ଘଟିଥିବା ଜଣାଯାଇଛି ।ଏହି ଆକ୍ରମଣ ପରେ ସୁରକ୍ଷାବାହିନୀ ସମଗ୍ର ଅଞ୍ଚଳକୁ ଘେରାଉ କରିଛନ୍ତି। ଗୁଳି ଚଳାଇଥିବା ଆତଙ୍କବାଦୀଙ୍କୁ ଖୋଜୁଛନ୍ତି ସୁରକ୍ଷାବାହିନୀ । ଏହା ପୂର୍ବରୁ ଅକ୍ଟୋବର ୨୯ ରେ ଶ୍ରୀନଗରରେ ଜଣେ ପୁଲିସ କର୍ମଚାରୀଙ୍କ ଉପରକୁ ଗୁଳି ଚାଳନା କରାଯାଇଥିଲା, ଯିଏ ଗୁରୁବାର ଦିନ ଦିଲ୍ଲୀରେ ମୃତ୍ୟୁବରଣ କରିଥିଲେ।

ପୁଲିସ ଅଧିକାରୀଙ୍କ କହିବା ଅନୁସାରେ, ଆତଙ୍କବାଦୀଙ୍କ ଆକ୍ରମଣରେ ପୁଲିସ କର୍ମଚାରୀ ମହମ୍ମଦ ହାଫିଜ୍ ଚାଡ୍ ଆହତ ହୋଇଛନ୍ତି। କାଶ୍ମୀର ଜୋନ୍ ପୁଲିସ ଏକ୍ସଙ୍କ ଉପରେ ହୋଇଥିବା ଆକ୍ରମଣ ସମ୍ପର୍କରେ ଏକ ପୋଷ୍ଟ କରିଛି, ଯେଉଁଥିରେ ସେ ଲେଖିଛନ୍ତି, “ଆତଙ୍କବାଦୀମାନେ ହମଦାନିଆ କଲୋନୀ ବେମିନାରେ ଥିବା ଜିଏଚ୍ ହାସନ ଚାଡ୍ ଙ୍କ ପୁଅ ମହମ୍ମଦ ହାଫିଜ୍ ଚାଡଙ୍କ ଉପରକୁ ଗୁଳି ଚଳାଇ ତାଙ୍କୁ ଆହତ କରିଛନ୍ତି। ତାଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି। ଉକ୍ତ ଅଞ୍ଚଳକୁ ଘେରାବନ୍ଦୀ କରାଯାଇଛି।“

ଗତ ନଭେମ୍ବର ୨୨ ତାରିଖରେ ଶ୍ରୀନଗରରୁ ଅସ୍ତ୍ରଶସ୍ତ୍ର ସହ ୨ ଜଣଙ୍କୁ ଗିରଫ କରାଯାଇଥିଲା। ବେମିନା ଅଞ୍ଚଳରେ ଚେକିଂ ବେଳେ ପୁଲିସ କୁପଓ୍ଵାରା ଜିଲ୍ଲାର ଦୁଇ ଜଣଙ୍କୁ ଅଟକ ରଖିଥିଲା। ସେମାନଙ୍କ ନିକଟରୁ ୮ଟି ଗ୍ରେନେଡ୍ ଓ ୨ଟି ପିସ୍ତଲ ଜବତ କରାଯାଇଥିଲା।