ଖ୍ରୀଷ୍ଟ ମହାବିଦ୍ୟାଳୟ ୧୯୮୫ ବ୍ୟାଚ ସହପାଠୀ ମାନଙ୍କ ବାର୍ଷିକ ବନ୍ଧୁମିଳନ

ତା ୨୮-୧୨-୨୦୨୩ ଗତ ଡିସେମ୍ବର ମାସ ୨୪ ତାରିଖ ଦିନ କଟକ ସ୍ଥିତ ନରାଜ ଡାକ ବଙ୍ଗଳା ଠାରେ ଖ୍ରୀଷ୍ଟ ମହାବିଦ୍ୟାଳୟ ର ୧୯୮୫ ବ୍ୟାଚ ର ସହପାଠୀ ମାନଙ୍କ ଏକ ବାର୍ଷିକ ବନ୍ଧୁ ମିଳନ ହୋଇଯାଇଛି । ଏହି ମିଳନ ଉତ୍ସବରେ ଦୁଇଜଣ ଦିବଂଗତ ସହପାଠୀ ସ୍ବର୍ଗତ ସଞ୍ଜୟ ଦାସଗୁପ୍ତା (ମୁନା) ଏବଂ ସ୍ବର୍ଗତ ଟିଙ୍କୁ ଭଟ୍ଟାଚାର୍ଯ୍ୟ ଉଭୟ ଙ୍କ ଆତ୍ମାର ସଦଗତି ଉଦ୍ଧେଶ୍ୟରେ ଏକ ସମୂହ ନିରବ ପ୍ରାର୍ଥନା କରାଯାଇଥିଲା । ସହପାଠୀ ମହମ୍ମଦ ସକିଲ , ବିଚିତ୍ର ମୋହନ ପଟ୍ଟନାୟକ, ବିଶ୍ୱଜିତ ପାଣି ଏବଂ ସୁଶାନ୍ତ ମହାନ୍ତି ପ୍ରମୁଖ ଦିବଂଗତ ବନ୍ଧୁଦ୍ବୟ ଙ୍କ ସହିତ ଥିବା ଅତୀତ ସ୍ମୃତି ସବୁ ମନେ ପକାଇବା ସହିତ କିଛି ଭବିଷ୍ୟ ପରାମର୍ଶ ଏବଂ ଯୋଜନା ପାଇଁ ପ୍ରସ୍ତାବ ମଧ୍ୟ ରଖିଥିଲେ । ପରେ ପରେ ସମସ୍ତ ବନ୍ଧୁମାନେ ଏକତ୍ର ମଧ୍ୟାହ୍ନ ଭୋଜନ ରେ ଯୋଗ ଦେଇଥିଲେ । ଉପସ୍ଥିତ ସମସ୍ତ ସଦୟ ସହପାଠୀ ମାନଙ୍କ ପ୍ରତ୍ୟକ୍ଷ ଏବଂ ପରୋକ୍ଷ ସହଯୋଗ ଦ୍ୱାରା ଏହି ବନ୍ଧୁମିଳନ,୨୦୨୩ ସଫଳତା ର ସହ ସମାପ୍ତ ହୋଇଥିଲା ।