ମହର୍ଷି ମହେଶ ଯୋଗୀଙ୍କ ଜନ୍ମ ଉତ୍ସବ
ଭୁବନେଶ୍ୱର, (ପି.ଏନ): ଆଗାମୀ ଜାନୁଆରୀ ୧୨ ତାରିଖରେ ଭୁବନେଶ୍ୱର ଖାରବେଳ ନଗରସ୍ଥିତ ବୁଦ୍ଧ ମନ୍ଦିର ସମ୍ମିଳନୀ କକ୍ଷରେ ସନ୍ଧ୍ୟା ୫ ଘଟିକାରେ ଅନୁଷ୍ଠିତ ହେବାକୁ ଯାଉଅଛି । ସୂଚନାଯୋଗ୍ୟ ବିଶ୍ୱବିଖ୍ୟା ସନ୍ଥ ମହେଶ ମହର୍ଷି ଯୋଗୀଙ୍କ ଜନ୍ମଦିନ ଜ୍ଞାନଯୁଗ ଦିବସ ରୂପେ ବିଶ୍ୱସାରା ପାଳିତ ହୁଏ । ଉକ୍ତ କାର୍ଯ୍ୟକ୍ରମରେ ମହର୍ଷିଁଙ୍କ ପ୍ରମୁଖ ଶିଷ୍ୟ ଭୁବନେଶ୍ୱରର ପୂର୍ବତନ ସାଂସଦ ତଥା ରାଜ୍ୟ ଯୋଜନା ବୋଡର଼୍ର ସଦସ୍ୟ ଡକ୍ଟର ପ୍ରସନ୍ନ ପାଟ୍ଟଶାଣୀ, ବେଦିକ୍ ଅର୍ନ୍ତରାଷ୍ଟ୍ରୀୟ ଫାଉଣ୍ଡେସନ ଓ ମହର୍ଷି ପବ୍ଲିକ ସ୍କୁଲ ସମୁହର ଅଧ୍ୟକ୍ଷ ଡକ୍ଟର ପବିତ୍ର ମୋହନ ସାମନ୍ତରାୟ, ଶ୍ରୀ ଶ୍ରୀ ରବିଶଙ୍କର ବିଶ୍ୱବିଦ୍ୟାଳୟର ନିର୍ଦ୍ଦେଶକ ପ୍ରଫେସର ଡକ୍ଟର ରବିନାରାୟଣ ଶତପଥି, ଭୁବନେଶନର ଉତ୍ତର ପୂର୍ବତନ ବିଧାୟକ ତଥା ରାଜ୍ୟ ହଉସିଂବୋଡର଼୍ ପୂର୍ବତନ ଅଧ୍ୟକ୍ଷ ଶ୍ରୀପ୍ରିୟଦର୍ଶୀ ମିଶ୍ର ପ୍ରମୁଖ ଅତିଥି ବୃନ୍ଦ ମହର୍ଷିଙ୍କ ଜୀବନ ଦର୍ଶନ ଉପରେ ଆଲୋକପାତ କରିବେ । ଉକ୍ତ ସଭାକୁ ସଭାପତିତ୍ୱ କରିବେ ପ୍ରାନ୍ତ ସଂଯୋଜକ ବିଜୟ କୁମାର ମିଶ୍ର ଓ ସଂଚାଳନ କରିବେ ମନୋରଞ୍ଜନ ମିଶ୍ର । ଉକ୍ତ କାର୍ଯ୍ୟକ୍ରମରେ ସମସ୍ତ ମହର୍ଷି ଅନୁଗାମୀ ଓ ଜନସାଧାରଣଙ୍କୁ ଯୋଗଦେବାକୁ ସଂଯୋଜକ ଭାବାତିତ ଧ୍ୟାନଯୋଗ ଶିକ୍ଷକ ଅଶୋକ କୁମାର ସାହୁ ଅନୁରୋଧ କରିଛନ୍ତି ।