କେନ୍ଦ୍ରାପଡ଼ା ସ୍ଵୟଂଶାସିତ ମହାବିଦ୍ୟାଳୟର ପରିସଂଖ୍ଯାନ ବିଭାଗର ଅଲୁମନି ମିଟ୍

କେନ୍ଦ୍ରାପଡ଼ା ସ୍ଵୟଂଶାସିତ ମହାବିଦ୍ୟାଳୟର ପରିସଂଖ୍ଯାନ ବିଭାଗର ଅଲୁମନି ମିଟ୍ ତା. ୧୩-୦୧-୨୦୨୪ ରିଖ ଦିନ ମହାବିଦ୍ୟାଳୟର ପରିସଂଖ୍ଯାନ ବିଭାଗ ହଲ୍ ରେ ଅନୁଷ୍ଠିତ ହୋଇଯାଇଛି। ଉକ୍ତ ସଭାରେ ବିଭାଗୀୟ ମୁଖ୍ୟ ଶ୍ରୀମତୀ ମିନତିପ୍ରଭା ଜେନାଙ୍କ ଅଧ୍ୟକ୍ଷତାରେ ଏହି ସଭାରେ ବିଭିନ୍ନ ବ୍ୟାଚର ପ୍ରାୟ ୬୦ଜଣ ପ୍ରାକ୍ତନ ଛାତ୍ରଛାତ୍ରୀ ଅଂଶଗ୍ରହଣ କରିଥିଲେ। ଏହି ସଭାରେ ସର୍ବସମ୍ମତ କ୍ରମେ ସଭାପତି ଭାବେ ୧୯୮୫-୮୭ବ୍ୟାଚର ସୁରେଶ ଚନ୍ଦ୍ର କର ଓ ସାଧାରଣ ସମ୍ପାଦକ ଭାଵରେ ୨୦୦୫-୦୮ ବ୍ୟାଚର ଡଃ. ଭଵାନୀ ଶଙ୍କର ମହାନ୍ତି ନିର୍ବାଚିତ ହୋଇଛନ୍ତି।
ପରିସଂଖ୍ଯାନ ବିଷୟର ପ୍ରୟୋଗାତ୍ମକ ଦିଗ ଓ ଆବଶ୍ଯକତା ଉପରେ ବିଶେଷ ଆଲୋକପାତ କରାଯିବା ସହିତ ଆଗାମୀ ବର୍ଷମାନଙ୍କରେ ଏହି ଆଲୁମନି କାର୍ଯ୍ୟକ୍ରମରେ ଅଧିକରୁଅଧିକ ପ୍ରାକ୍ତନ ଛାତ୍ରଛାତ୍ରୀମାନଙ୍କର ଯୋଗଦାନ ଉପରେ ଗୁରୁତ୍ଵାରୋପ କରାଯାଇଥିଲା। ଏହାସହିତ ଆଗାମୀ ବର୍ଷରୁ ବିଭାଗର ଶ୍ରେଷ୍ଠ ଛାତ୍ର/ଛାତ୍ରୀଙ୍କୁ ବିଶେଷଭାଵେ ପୁରସ୍କୃତ କରାଯିବାକୁ ସ୍ଥିରୀକୃତ ହେଲା।
ଏହି ସଭାରେ ବିଭାଗର କାର୍ଯ୍ୟରତ ଅଧ୍ୟାପିକା ଓ ଅଧ୍ୟାପକ ବୃନ୍ଦ, ଶ୍ରୀମତୀ ମିନତୀପ୍ରଭା ଜେନା, ଡଃ. ପୌର୍ଣ୍ଣମାସୀ ପଣ୍ଡା ଓ ଶ୍ରୀଯୁକ୍ତ ଅଜୟ କିଶୋର ଦାସ ଓ ଅଧ୍ଯୟନରତ ଛାତ୍ରଛାତ୍ରୀମାନେ ସହଯୋଗ କରି ସଭାକୁ ସଫଳ କରିଥିଲେ।