ରୁଷ ରାଷ୍ଟ୍ରପତି ପୁଟିନଙ୍କୁ ଫୋନ କଲେ ପ୍ରଧାନମନ୍ତ୍ରୀ ମୋଦୀ, ରଣନୈତିକ ସଂପର୍କ ଉପରେ ଚର୍ଚ୍ଚା

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସୋମବାର ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ କଥା ହୋଇଛନ୍ତି। ପ୍ରଧାନମନ୍ତ୍ରୀ ମୋଦୀ ତାଙ୍କ ଅଫିସିଆଲ ଏକ୍ସ ହ୍ୟାଣ୍ଡେଲରୁ ଏକ ପୋଷ୍ଟରେ କହିଛନ୍ତି, “ରାଷ୍ଟ୍ରପତି ପୁଟିନଙ୍କ ସହ ଭଲ କଥାବାର୍ତ୍ତା ହୋଇଛି। ଆମେ ଆମର ସ୍ୱତନ୍ତ୍ର ଏବଂ ସ୍ୱତନ୍ତ୍ର ରଣନୈତିକ ଭାଗିଦାରୀରେ ବିଭିନ୍ନ ସକାରାତ୍ମକ ବିକାଶ ବିଷୟରେ ଆଲୋଚନା କରିଛୁ ଏବଂ ଭବିଷ୍ୟତ ପଦକ୍ଷେପ ପାଇଁ ଏକ ରୋଡମ୍ୟାପ୍ ପ୍ରସ୍ତୁତ କରିବାକୁ ରାଜି ହୋଇଛୁ ।ଆଗାମୀ ବ୍ରିକ୍ସ ଶିଖର ସମ୍ମିଳନୀ ରୁଷରେ ଆୟୋଜିତ ହେବାକୁ ଯାଉଥିବାବେଳେ ସେଥିରେ ଯୋଗ ଦେବାକୁ ମୋଦୀ ରୁଷ ଗସ୍ତ କରିବେ କି ନାହିଁ ତାହାକୁ ନେଇ ପ୍ରଶ୍ନବାଚୀ ରହିଛି । କାରଣ ୟୁକ୍ରେନ ଯୁଦ୍ଧ ଚାଲିଥିବାବେଳେ ମୋଦୀଙ୍କ ଏହି ଗସ୍ତ ଉପରେ ପାଶ୍ଚାତ୍ୟ ଦେଶଙ୍କ ନଜର ରହିବ ।

ସୂଚନାଯୋଗ୍ୟ ଯେ, ବ୍ରିକ୍ସ ଗ୍ରୁପରେ ବ୍ରାଜିଲ, ରୁଷିଆ, ଭାରତ, ଚାଇନା ଓ ଦକ୍ଷିଣ ଆଫ୍ରିକା ଭଳି ୫ଟି ଦେଶ ରହିଛନ୍ତି। ଏହା ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତିର ଏକ ଗୋଷ୍ଠୀ ବୋଲି ବିଶ୍ୱାସ କରାଯାଏ । ପୂର୍ବରୁ ଏହା ଏକ ବ୍ରିକ୍ ଗ୍ରୁପ୍ ଥିଲା କିନ୍ତୁ ୨୦୧୦ରେ ଦକ୍ଷିଣ ଆଫ୍ରିକା ଏହି ଗ୍ରୁପ୍ ରେ ସାମିଲ ହେବା ପରେ ଏହା ବ୍ରିକ୍ସ ରେ ପରିଣତ ହୋଇଥିଲା।

୨୦୦୬ମସିହାରେ ରୁଷିଆର ସେଣ୍ଟ ପିଟର୍ସବର୍ଗରେ ଅନୁଷ୍ଠିତ ଜି-୮ ଶିଖର ସମ୍ମିଳନୀ ସହ ଏହି ଗୋଷ୍ଠୀର ପ୍ରଥମ ବୈଠକ ଅନୁଷ୍ଠିତ ହୋଇଥିଲା। ପ୍ରଥମ ଶିଖର ବୈଠକ ୨୦୦୯ ଜୁନ୍ ୧୬ ରେ ରୁଷିଆର ୟେକାଟେରିଙ୍ଗବର୍ଗରେ ଅନୁଷ୍ଠିତ ହୋଇଥିଲା । ବ୍ରିକ୍ସ ଗୋଷ୍ଠୀ ବିଶ୍ୱଜନସଂଖ୍ୟାର ୪୧ ପ୍ରତିଶତ, ବିଶ୍ୱ ଜିଡିପିର ୨୪ ପ୍ରତିଶତ ଏବଂ ବିଶ୍ୱ ବାଣିଜ୍ୟର ୧୬ ପ୍ରତିଶତକୁ ପ୍ରତିନିଧିତ୍ୱ କରନ୍ତି । ପାରସ୍ପରିକ ଅର୍ଥନୈତିକ ବିକାଶ ପାଇଁ କାର୍ଯ୍ୟ କରିବା ହେଉଛି ବ୍ରିକ୍ସର ଉଦ୍ଦେଶ୍ୟ ।