ଅପଦସ୍ତ ହେବା ସତ୍ତ୍ବେ ବି ତୁର୍କୀ ଗସ୍ତରେ ଯିବାକୁ ଜିଦ ଧରିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ

ଇସ୍ଲାମାବାଦ : ଅପଦସ୍ତ ହେବା ସତ୍ତ୍ବେ ବି ମାନୁନାହାନ୍ତି ପାକିସ୍ତାନୀ ପ୍ରଧାନମନ୍ତ୍ରୀ ଶାହବାଜ ସରିଫ ।  ସରିଫ୍ ଗୁରୁବାର କହିଛନ୍ତି ଯେ ସେ ଭୂକମ୍ପ ବିଧ୍ବସ୍ତ ତୁର୍କୀ ଅଭିମୁଖେ ଯାତ୍ରା କରିବେ ।

ଟ୍ୱିଟ୍ କରି ସରିଫ୍ କହିଛନ୍ତି, ସେ ଅତୁଟ ଏକତାର ବାର୍ତ୍ତା ନେଇ ତୁର୍କୀ ଅଭିମୁଖେ ଯାଉଛନ୍ତି। ପାକିସ୍ତାନ  ଜନତା ଓ ସରକାରଙ୍କ ତରଫରୁ ତୁର୍କୀ ଭାଇ ଭଉଣୀମାନଙ୍କ ପ୍ରତି ଅତୁଟ ସମର୍ଥନ ଓ ସମର୍ଥନର ବାର୍ତ୍ତା ନେଇ ମୁଁ ତୁର୍କୀ ଅଭିମୁଖେ ଯାତ୍ରା କରୁଛି । ଦୁଇଟି ରାଜ୍ୟରେ ରହୁଥିବା ଗୋଟିଏ ରାଷ୍ଟ୍ରର ଭାବନା ଅନୁଯାୟୀ, ଆମେ ସେମାନଙ୍କ କ୍ଷତିକୁ ଆମର ନିଜର ବୋଲି ବିବେଚନା କରୁ।

ସୂଚନାଯୋଗ୍ୟ, ସପ୍ତାହେ ତଳେ ତୁର୍କୀ ତାଙ୍କୁ ତାଙ୍କ ଗସ୍ତ ସ୍ଥଗିତ ରଖିବାକୁ କହିଥିଲା। ଫେବ୍ରୁଆରି ୮ତାରିଖରେ ସରିଫ୍ ତୁର୍କୀ ଯିବାର କାର୍ଯ୍ୟକ୍ରମ ଥିଲା। ତେବେ ତୁର୍କୀ ରାଷ୍ଟ୍ରପତି ରିସେପ୍ ଏର୍ଡୋଗାନ୍ ଶାହବାଜଙ୍କୁ ତାଙ୍କ ଗସ୍ତ ସ୍ଥଗିତ ରଖିବାକୁ ଅନୁରୋଧ କରିଛନ୍ତି। ଏହା ସତ୍ତ୍ୱେ ପାକିସ୍ତାନ ପ୍ରଧାନମନ୍ତ୍ରୀ ତାଙ୍କ ଗସ୍ତ ସ୍ଥଗିତ ରଖିବା ପରିବର୍ତ୍ତେ ତୁର୍କୀ ଯାଉଛନ୍ତି। ସେମାନଙ୍କୁ ଆର୍ଥିକ ସଙ୍କଟରୁ ମୁକ୍ତ କରିବାରେ ତୁର୍କୀ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ ବୋଲି ପାକିସ୍ତାନ ଆଶା ରଖିଛି।

ସୂଚନାଯୋଗ୍ୟ ଯେ ତୁର୍କୀରେ ଭୂକମ୍ପ ଜନିତ ମୃତ୍ୟୁସଂଖ୍ୟା ୩୫ ହଜାର ଟପିଯାଇଛି ।