ପରଲୋକରେ.କଳାହାଣ୍ଡିର ବିଶିଷ୍ଟ ଶିଳ୍ପପତି ତ୍ରିଲୋଚନ ଅଗ୍ରୱାଲ,ଅଞ୍ଚଳ ରେ ଶୋକର ଛାୟାନୂଆପଡା,23/02(ଖବର ତୁରନ୍ତ)

କଳାହାଣ୍ଡି ଜିଲ୍ଲା ର ଜଣେ ବିଶିଷ୍ଟ ଶିଳ୍ପପତି ଡିଡି ବିଲ୍ଡରର ନିର୍ଦେଶକ କୋକସରା ବ୍ଲକ ଲଡୁଗାଁ ନିବାସୀ ତ୍ରିଲୋଚନ ଅଗ୍ରୱାଲଙ୍କ ପରଲୋକ ମଙ୍ଗଳବାର ଦିନ ଲଡୁଗାଁ ସ୍ଥିତ ବାସଭବନ ରେ ହୃଦଘାତ ରେ ହୋଇଛି।।ବିଶିଷ୍ଟ ଶିଳ୍ପପତି ତଥା ସମାଜସେବୀ ଥିଲେ ତ୍ରିଲୋଚନ ଅଗ୍ରୱାଲ, ତାଙ୍କର ୬୬ ବର୍ଷ ବୟସରେ ହୃତଘାତରେ ପରଲୋକ ହୋଇଛି। କୋକସରା ବ୍ଲକ ର ଲଡୁଗାଁ ବାସଭବନରେ ତାଙ୍କ ହୃଦଘାତ ରେ ମୃତ୍ୟୁ ହୋଇଥିବା ବେଳେ ତାଙ୍କ ର ଅନ୍ତିମ ସଂସ୍କାର ବୁଧବାର ହୋଇଛି ଏନେଇ ପରିବାର ବର୍ଗ ଙ୍କ ପକ୍ଷରୁ ସୂଚନା ମିଳିଛି। ଦିବଙ୍ଗତ ତ୍ରିଲୋଚନ ଅଗ୍ରୱାଲ ଜଣେ ସମାଜସେବୀ, ପରୋପକାରୀ, ମେଳାପୀ ଓ ଲୋକଙ୍କ ସୁଖଦୁଃଖ ରେ ସହଭାଗୀ ଭାବେ ଅଞ୍ଚଳ ରେ ଜଣାଶୁଣା ବ୍ୟକ୍ତି ବିଶେଷ ଭାବେ ପରିଚିତ ଥିଲେ। ସେ ଲଡୁଗାଁ ରେ ୨୦୦୧ ମସିହାରୁ ମାମୋଦେବୀ ପ୍ରାଥମିକ ଚିକିତ୍ସାଳୟ ମାଧ୍ୟମରେ ରୋଗୀ ମାନଙ୍କୁ ମାଗଣା ଚିକିତ୍ସା ଓ ଆମ୍ବୁଲାନ୍ସ ସେବା ଯୋଗାଉଥିଲେ।ଲଡୁଗାଁ ରେ ବିଭିନ୍ନ ଯାତ୍ରୀ ମାନଙ୍କ ରହିବା ପାଇଁ ବସ ଷ୍ଟାଣ୍ଡ ନିକଟରେ ଏକ ଧର୍ମଶାଳା କରିଥିଲେ, ବେଳେ ବେଳେ ବିଭିନ୍ନ ସମୟରେ ମେଗା ଚିକିତ୍ସା କ୍ୟାମ୍ପ ମାଧ୍ୟମରେ ଅନେକ ଚିକିତ୍ସିକ ବିଶେଷଜ୍ଞ ଙ୍କୁ ଆଣି ଅଞ୍ଚଳର ଜନସାଧାରଣ ଙ୍କୁ ମାଗଣାରେ ଚିକିତ୍ସା ପ୍ରଦାନ କରି ଆସୁଥିଲେ। ଏବଂ ଅନେକ ଗରିବ ପରିବାରର ସହାୟତା ସହିତ ଅନେକ ଗରିବ ଝିଅ ମାନଂକ ବିବାହ କରାଇଥିଲେ ତେବେ ତାଙ୍କ ଆକସ୍ମିକ ମୃତ୍ୟୁ ଖବର ପରେ କୋକସରା ବ୍ଲକ ସମେତ କଳାହାଣ୍ଡି ଜିଲ୍ଲାରେ ଆତ୍ମୀୟ ପରିଜନ ଓ ଜନସାଧାରଣଙ୍କ ମଧ୍ୟରେ ଶୋକ ର ଛାୟା ଖେଳିଯାଇଛି।।