ଷଷ୍ଠ ବାର୍ଷିକ ଜେପିଏଲ କ୍ରିକେଟ ଟୁର୍ଣ୍ଣାମେଂଟ
ସଂଜୟ ଫାଇଟର ଟିମ ବିଜୟୀ

ବାରିପଦା ତା 17/02
ସ୍ଥାନୀୟ ମୁର୍ଗାବାଡି ଠାରେ ଷଷ୍ଠ ବାର୍ଷିକ ଯମ ପଡିଆ ପ୍ରିମିୟର ଲିଗ କ୍ରିକେଟ ଟୁର୍ଣ୍ଣାମେଂଟର ଷଷ୍ଠ ଦିନର ମ୍ୟାଚରେ ସଂଜୟ ଫାଇଟର ଟିମ ଯୋମୋ ସୁପର କିଙ୍ଗ ଟିମକୁ 44 ରନରେ ପରାସ୍ତ କରିଛି I ପ୍ରଥମେ ବ୍ୟାଟିଂ କରି ସଂଜୟ ଫାଇଟର 10 ଓଭରରେ 8 ଉଇକେଟ ହରାଇ 132 ରନ ସଂଗ୍ରହ କରିଥିଲେ I ଦଳ ପକ୍ଷରୁ ବିଜୟ ମୁଣ୍ଡା 24, ଶିବ ଶଙ୍କର ମହାନ୍ତି 23, ରାଜେଶ ଘଡେଇ 21 ଓ ମେଗାଷ୍ଟର କାମରାଜ 20 ରନ କରିଥିବା ବେଳେ ବିପକ୍ଷ ଦଳର ମନୋଜ ନାଏକ, ପ୍ରକାଶ ସିଂ, ଗୌରବ ସିଂ ଓ ବିପ୍ଳବ ନାୟକ 2 ଟି ଲେଖାଏଁ ଉଇକେଟ ଅକ୍ତିଆର କରିଥିଲେ I ଉତରରେ ଯୋମୋ ସୁପର କିଙ୍ଗ 10 ଓଭରରେ 6 ଉଇକେଟ ହରାଇ 88 ରନ କରିପାରିଥିଲେ I ଦଳ ପକ୍ଷରୁ ଅନୁପ୍ରାସ ନାଏକ 24 ଓ ଆଦିତ୍ୟ ଭୂୟାଁ 19 ରନ କରିଥିବା ବେଳେ ବିପକ୍ଷ ଦଳର ସଂଜୟ ଧୀର 3 ଟି ଉଇକେଟ ଅକ୍ତିଆର କରିବା ସହ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ I ନିମାଇଁ ସୋରେନ ଓ ରଶ୍ମିରଂଜନ ଧୀର ଖେଳ ପରିଚାଳନା କରିଥିବା ବେଳେ ରାକେଶ କୁମାର ବେହେରା ସ୍କୋରିଙ୍ଗରେ ସହାୟତା କରିଥିଲେ I ଭବାତୋଷ ଶେଜପଡା ଧାରା ବିବରଣୀ ପ୍ରଦାନ କରିଥିଲେ I