ସ୍ବର୍ଗତ ନବ କିଶୋର ଦାସଙ୍କ ବିୟୋଗରେ ସ୍ମୃତି ସଭା

ବ୍ରହ୍ମପୁର, ୧୭/୨; ସ୍ଥାନୀୟ ଗେଟ ବଜାର ସ୍ଥିତ ଏନ ଜିଓ ହଲ ସମ୍ମିଳନୀ କକ୍ଷରେ ହିନ୍ଦ ମଜଦୁର ସଭା ଏବଂ ଓଡିଶା ରାଜ୍ୟ ବହୁମୁଖୀ ପୁରୁଷ ଓ ମହିଳା ସ୍ୱାସ୍ଥ୍ୟକର୍ମୀ ଓ ପାରିଦର୍ଶକ ମିଳିତ ମହାସଂଘ ଆନୁକୂଲ୍ୟରେ ପୂର୍ବତନ ସ୍ୱାସ୍ଥ୍ୟ ମନ୍ତ୍ରୀ ସ୍ବର୍ଗତ ନବ କିଶୋର ଦାସଙ୍କ ଅକାଳ ବିୟୋଗରେ ଗୁରୁବାର ଦିନ ଏକ ସ୍ମୃତି ସଭାର ଆୟୋଜନ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ରୁପେ ରାଜ୍ୟ ପ୍ଲାନିଂ ବୋର୍ଡ଼ ସଦସ୍ୟ ଡା ରମେଶ ଚନ୍ଦ୍ର ଚାଉ ପଟ୍ଟନାୟକ ଯୋଗ ଦେଇଥିବା ବେଳେ, ସମ୍ମାନୀୟ ଅତିଥି ରୂପେ ବ୍ରହ୍ମପୁର ମେୟର ଶ୍ରୀମତୀ ସଂଘମିତ୍ରା ଦଳାଇ, ନଚିକେତା ସ୍ୱାଇଁ, ଶିବ ଶଙ୍କର ସାହାଣୀ, ଜଗନ୍ନାଥ ସାବତ, ରବୀନ୍ଦ୍ର ପ୍ରଧାନ ପ୍ରମୁଖ ଯୋଗଦାନ କରିଥିଲେ । ଏହି କାର୍ଯ୍ୟକ୍ରମକୁ ସଭାପତି ସତ୍ୟ ନାରାୟଣ ତ୍ରିପାଠୀ ସଭାପତିତ୍ୱ କରିଥିବା ବେଳେ, ରାଜ୍ୟ ସମ୍ପାଦକ ସଭାକାର୍ଯ୍ୟ ସଂଯୋଜନା କରିଥିଲେ । ଏହି ଅବସରରେ ଉପସ୍ଥିତ ଅତିଥି ମାନେ ନିଜ ନିଜ ବକ୍ତବ୍ୟରେ ନବ ଦାସଙ୍କ ବିୟୋଗରେ ସ୍ମୃତି ଚାରଣ କରିଥିଲେ । ଅନ୍ୟ ମାନଙ୍କ ମଧ୍ୟରେ କାହ୍ନୁ ପାତ୍ର, ଟି କିଶୋର ପାତ୍ର, ଶଙ୍କର ଗୌଡ଼, ସୁରେଶ ତ୍ରିପାଠୀ, ସୁଶାନ୍ତ କର, ଗୀତା ବାରିକ, ଲତ ସାହୁ, ସନ୍ଦେଶ ଦାସଙ୍କ ସମେତ ନିର୍ମାଣ ଶ୍ରମିକ ଓ ଅନ ସଙ୍ଗଠିତ ଶ୍ରମିକଙ୍କ ସହ ସ୍ୱାସ୍ଥ୍ୟ କର୍ମୀ ମାନେ ଯୋଗଦାନ କରିଥିଲେ ।