ଜେଲରୁ ବାହାରକୁ ଆସିଲେ ଆପ୍ ସାଂସଦ ସଞ୍ଜୟ ସିଂହ

ନୂଆଦିଲ୍ଲୀ: ଦିଲ୍ଲୀ ମଦ ଦୁର୍ନୀତି ମାମଲାରେ ଅନେକ ମାସ ଧରି ଜେଲରେ ଥିବା ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ସଞ୍ଜୟ ସିଂହ ସୁପ୍ରିମକୋର୍ଟଙ୍କ ଜାମିନ ପାଇବା ପରେ ତିହାର ଜେଲରୁ ବାହାରିଛନ୍ତି। ସୂଚନା ଅନୁଯାୟୀ, ସଞ୍ଜୟ ସିଂହ ତିହାରରୁ ବାହାରି ସିଧାସଳଖ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ବାସଭବନକୁ ଯାଇ ତାଙ୍କ ପତ୍ନୀ ସୁନୀତା କେଜ୍ରିୱାଲଙ୍କୁ ଭେଟିବେ। ସଞ୍ଜୟ ସିଂହଙ୍କୁ ସ୍ୱାଗତ କରିବା ପାଇଁ ତିହାର ଜେଲ୍ ବାହାରେ ବହୁ ସଂଖ୍ୟାରେ ଆମ୍ ଆଦମୀ ପାର୍ଟି କର୍ମୀ ଠିଆ ହୋଇଛନ୍ତିଆମ୍ ଆଦମୀ ପାର୍ଟିର ବରିଷ୍ଠ ନେତା ତଥା ରାଜ୍ୟସଭା ସାଂସଦ ସଞ୍ଜୟ ସିଂହଙ୍କୁ ସୁପ୍ରିମକୋର୍ଟ ଜାମିନ ପ୍ରଦାନ କରିଛନ୍ତି। ଦିଲ୍ଲୀ ମଦ ଦୁର୍ନୀତି ମାମଲାରେ ଦୀର୍ଘ ସମୟ ଧରି ପଚରାଉଚରା ପରେ ୨୦୨୩ ଅକ୍ଟୋବର ୪ରେ ସଞ୍ଜୟ ସିଂହଙ୍କୁ ଇଡି ଗିରଫ କରିଥିଲା। ଇଡି ଚାର୍ଜସିଟରେ ସଞ୍ଜୟ ସିଂହଙ୍କ ଉପରେ ୮୨ ଲକ୍ଷ ଟଙ୍କା ଦାନ ମିଳିଥିବା ଉଲ୍ଲେଖ ରହିଛି। ଏହାକୁ ଭିତ୍ତି କରି ଇଡି ଟିମ୍ ସଞ୍ଜୟ ସିଂହଙ୍କ ଘରେ ପହଞ୍ଚି ପ୍ରାୟ ୧୦ ଘଣ୍ଟାର ପଚରାଉଚରା ପରେ ତାଙ୍କୁ ଗିରଫ କରିଥିଲା।