ହମାସ ଆତଙ୍କବାଦୀଙ୍କ ଉପରେ ଇସ୍ରାଏଲର ଏୟାରଷ୍ଟ୍ରାଇକ୍

ଗାଜା: ଗାଜାରେ ଇସ୍ରାଏଲ ସେନା ହମାସ ଆତଙ୍କବାଦୀଙ୍କ ଉପରେ ବଡ଼ ଧରଣର ଏୟାରଷ୍ଟ୍ରାଇକ୍ କରିଛି। ଏଥିରେ ୩ ଜଣ ଆତଙ୍କବାଦୀ ନିହତ ହୋଇଛନ୍ତି ।ଇସ୍ରାଏଲର ଗୁଇନ୍ଦା ସଂସ୍ଥା ମୋସାଦ ମଧ୍ୟ ଏହି ଆକ୍ରମଣର ଏକ ଭିଡିଓ ଜାରି କରିଛି। ଭିଡିଓରେ ଦେଖିବାକୁ ମିଳୁଛି ଯେ ୩ ଜଣ ଆତଙ୍କବାଦୀ ରାସ୍ତା ଦେଇ ଯାଉଥିଲେ। ଏହି ସମୟରେ ଇସ୍ରାଏଲ ସେନା ଏୟାର ଷ୍ଟ୍ରାଇକ କରିଥିଲା । ଏଥିରେ ୩ ଜଣ ଆତଙ୍କବାଦୀ ନିହତ ହୋଇଛନ୍ତି। ଇସ୍ରାଏଲର ଗୁଇନ୍ଦା ସଂସ୍ଥା ମୋସାଦର କ୍ୟାମେରା ଗୁପ୍ତଭାବେ ଏହି ଆତଙ୍କବାଦୀଙ୍କୁ ପିଛା କରୁଥିଲା। ସୁଯୋଗ ମିଳିବା ମାତ୍ରେ ସେମାନଙ୍କୁ କ୍ଷେପଣାସ୍ତ୍ର ଆକ୍ରମଣରେ ଉଡ଼ାଇ ଦିଆଯାଇଥିଲା।ଭିଡିଓରେ ସ୍ପଷ୍ଟ ଭାବେ ଦେଖିବାକୁ ମିଳୁଛି ଯେ ଆତଙ୍କବାଦୀମାନେ ସଶସ୍ତ୍ର ଥିଲେ ଏବଂ ସେମାନେ କେଉଁଠି ଯାଉଥିବା ଦେଖିବାକୁ ମିଳୁଛି। ଏହି ସମୟରେ ସେମାନଙ୍କ ଉପରକୁ ଏକ କ୍ଷେପଣାସ୍ତ୍ର ମାଡ ହୋଇଥିଲା। ଫଳରେ ଆତଙ୍କବାଦୀମାନଙ୍କ ଶରୀରର ଚିହ୍ନବର୍ଣ୍ଣ ରହିନଥିଲା । ବିସ୍ଫୋରଣ ସ୍ଥଳରେ ଦୀର୍ଘ ସମୟ ଧରି ଆକାଶ ଆଡ଼କୁ କଳା ଓ ଘନ ଧୂଆଁ ଉଠୁଥିବା ଦେଖିବାକୁ ମିଳିଥିଲା। ବିସ୍ଫୋରଣର ଶବ୍ଦ ଆଖପାଖ ଅଞ୍ଚଳରେ ଆତଙ୍କ ଖେଳାଇ ଦେଇଛି। ମୋସାଦ ଆତଙ୍କବାଦୀଙ୍କ ମୃତ୍ୟୁକୁ ନିଶ୍ଚିତ କରିଛି। ତେବେ ଏହି ଆକ୍ରମଣରେ ନିହତ ହୋଇଥିବା ହାମାସ ଆତଙ୍କବାଦୀଙ୍କ ନାମ ଉଲ୍ଲେଖ କରିନାହିଁ ।