ବିଜେପି ପ୍ରତିଷ୍ଠା ଦିବସ ପାଳିତ

(ରାଷ୍ଟ୍ରପତି ସମର୍ପିତ ଭାବ ନେଇ ସେବା ହିଁ ସଂଗଠନ ମାର୍ଗରେ ଅନୁପ୍ରାଣିତ ପାଇଁ ଆହ୍ୱାନ)
ତାଳଚେର:ତା୬/୪: ବିଶ୍ୱର ସର୍ବବୃହତ ପାର୍ଟି ବିଜେପିର ପ୍ରତିଷ୍ଠା ଦିବସ ତାଳଚେର ହନୁମାନ ମନ୍ଦିର ଠାରେ ପାଳନ କରାଯାଇଛି।ବିଜେପିର ତାଳଚେର ପୌର ମଣ୍ଡଳ ର କାର୍ଯ୍ୟକର୍ତା ମାନେ ଉପସ୍ଥିତ ରହି ହନୁମାନ ମନ୍ଦିର ରେ ପ୍ରଦୀପ ପ୍ରଜ୍ଜ୍ୱଳନ କରି ପୂଜାର୍ଚ୍ଚନା କରିବା ସହ ପାର୍ଟି ର ପ୍ରତିଷ୍ଠା ଦିବସ ପାଳନ କରିଥିଲେ।୧୯୮୦ମସିହା ରେ ଆଜିର ଦିନରେ ବିଜେପି ପ୍ରତିଷ୍ଠା ହୋଇ ଆଜି ୪୪ ବର୍ଷରେ ୧୮ କୋଟି କାର୍ଯ୍ୟକର୍ତା କୁ ନେଇ ବିଶ୍ୱର ସର୍ବବୃହତ ପାର୍ଟି ରେ ପହଂଚିଛି।ପଣ୍ଡିତ ଦିନଦୟାଲ ଉପାଧ୍ୟାୟ, ଶ୍ୟାମା ପ୍ରସାଦ ମୁଖାର୍ଜୀ, ଭାରତ ରତ୍ନ ଅଟଳ ବିହାରୀ ବାଜପେୟୀ ଓ ଲାଲ କୃଷ୍ଣ ଆଡ଼ଭାନୀ ଙ୍କ ଭଳି ମହାପୁରୁଷ ଙ୍କର ତ୍ୟାଗ ତପସ୍ୟା ,ଏକାତ୍ମ ମାନବବାଦ,ଅନ୍ତଦ୍ୱୟ ବିଚାର କୁ ପାଥେୟ କରି ପାର୍ଟି କାର୍ୟରତ।ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସବକା ସାଥ, ସବକା ବିକାଶ, ସବକା ବିଶ୍ୱାସ ଓ ସବକା ପ୍ରୟାସ କାର୍ଯ୍ୟକ୍ରମ ଆଧାର ରେ ବିଜେପି ଆଜି ଦେଶରେ ସାଧାରଣ ଲୋକଙ୍କ ର ହୃଦୟ ରେ ସ୍ଥାନିତ ହୋଇ ପାରିଛିବୋଲି ବହୁ ବକ୍ତା ପ୍ରକାଶ କରିଥିଲେ।ପୌର ମଣ୍ଡଳ ସଭାପତି ସତ୍ୟବନ୍ତ ସାହୁ ଙ୍କ ସଂଯୋଜନା ରେ ଅନୁଷ୍ଠିତ ଆଜିର କାର୍ଯ୍ୟକ୍ରମରେ ବିଜେପି ଅନୁଗୁଳ ଯୋନ ମିଡ଼ିଆ ସେଲ ସଂଯୋଜକ ପର୍ଶୁରାମ ବାରିକ, ରାଜ୍ୟ ପରିଷଦ ସଦସ୍ୟ ଅଖିଳ ସାମଲ, କାଳନ୍ଦି ପ୍ରଧାନ,ଦୟା ସାଗର ମିଶ୍ର,ନିରୋଜ ଦାସ, ଜ୍ଞାନେନ୍ଦ୍ରିୟ ସେଠି,ଜଗଦିଶ୍ୱର ସାହୁ,ସଂଯୁକ୍ତା ମହାରଣା, ମୃଣାଳିନୀ ପଟ୍ଟନାୟକ, ମିଲ୍ଲୀ ପ୍ରଧାନ,କାଉନସିଲର ଅନିତା ବିଶ୍ୱାଳ,କବିତା ବେହେରା, ଅଶୋକ ସାମନ୍ତ, ଅଜୟ ସାହୁ,ବିଜୟ ନାଏକ ,କ୍ଷେତ୍ରବାସୀ ନାଏକ ଙ୍କ ସମେତ ଶତାଧିକ କାର୍ଯ୍ୟକର୍ତା ଉପସ୍ଥିତ ଥିଲେ।