ମହର୍ଷି ପବ୍ଲିକ ସ୍କୁଲ ଭୁବନେଶ୍ୱରର ୨୦ତମ ବାର୍ଷିକ ଉତ୍ସବ ପାଳିତ
ଭୁବନେଶ୍ୱର: ନୟାପଲ୍ଲୀସ୍ଥିତ ମହର୍ଷି ପବ୍ଲିକ ସ୍କୁଲର ବାର୍ଷିକ ଉତ୍ସବ ମହାସମାରୋହରେ ବୈଦିକ ମନ୍ତ୍ର ଉଚ୍ଚାରଣ ଓ ଗୁରୁ ପୂଜନ ସହ ଗୁୁରୁକେଳୁଚରଣ ମହାପାତ୍ର ଅଡ଼ିଟୋରିଅମରେ ସମ୍ପନ୍ନ ହୋଇଅଛି । ଆମନ୍ତ୍ରିତ ଅତିଥିମାନଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ ଓ ପ୍ରାରମ୍ଭିକ ସଙ୍ଗୀତ ଗାନ ସହ ସଭା କାର୍ଯ୍ୟ ଆରମ୍ଭ ହୋଇଥିଲା । ଉକ୍ତ ଉତ୍ସବରେ ବିଶିଷ୍ଟ ଓଡିଶୀ ନୃତ୍ୟାଙ୍ଗନା ପଦ୍ମଶ୍ରୀ ଇଲିଆନା ସୀତାରିଷ୍ଟ, ରାଜ୍ୟ ଯୋଜନା ବୋଡର଼୍ ସଦସ୍ୟ ତଥା ଭୁବନେଶ୍ୱରର ପୂର୍ବତନ ସାଂସଦ ପ୍ରଫେସର ଡକ୍ଟର ପ୍ରସନ୍ନ ପାଟ୍ଟଶାଣୀ, ମେୟର ଶ୍ରୀମତୀ ସୁଲୋଚନା ଦାସ, ସ୍ଥାନୀୟ କର୍ପୋରେଟର ମାନସୀ ରାଣୀ ସୁନ୍ଦରରାୟ, ବିଜୁ ମହିଳା ଜନତା ଦଳର ରାଜ୍ୟ ଉପସଭାପତି ସଂଯୁକ୍ତା ମହାନ୍ତି, ବିଶିଷ୍ଟ ଚିିକିତ୍ସକ ଡକ୍ଟର ବାନାମ୍ବର ରାୟ, ପୂର୍ବତନ ଉତ୍ତର ବିଧାୟକ ପ୍ରିୟଦର୍ଶୀ ମିଶ୍ର ଓ ଲିପି ପାଟ୍ଟଶାଣୀ ମିଶ୍ର, ମଧ୍ୟବିଧାୟକ ଅନନ୍ତନାରାୟଣ ଜେନା ପ୍ରମୁଖ ଅତିଥିମାନେ ଯୋଗଦେଇ ମହର୍ଷିଙ୍କ ଆଦର୍ଶ ତଥା ପ୍ରଚଳିତ ଶିକ୍ଷା ବ୍ୟବସ୍ଥା ଓ ଗୁରୁ ପରମ୍ପରା ବିଷୟରେ ଛାତ୍ରଛାତ୍ରୀମାନଙ୍କୁ ଉଦ୍ବୋଧନ ଦେଇଥିଲେ । ସ୍କୁଲର ସମ୍ପାଦିକା ଶ୍ରୀମତୀ ହେନା ମହାପାତ୍ର ଅତିଥିମାନଙ୍କ ପରିଚୟ ପ୍ରଦାନ କରିବା ସହ ସମସ୍ତ ଅଭିଭାବକ, ଶିକ୍ଷକ/ଶିକ୍ଷତ୍ରୀ ଓ କର୍ମଚାରୀମାନଙ୍କୁ ସାହାଯ୍ୟ ସହଯୋଗ ପାଇଁ କୃତଜ୍ଞତା ପ୍ରକାଶ କରିଥିଲେ । ଛାତ୍ରଛାତ୍ରୀମାନଙ୍କ ଦ୍ୱାରା ଚିତାକର୍ଷକ ସାଂସ୍କୃତିକ କାର୍ଯ୍ୟକ୍ରମ ଉପସ୍ଥିତ ଅତିଥିମାନଙ୍କୁ ବିମୋହିତ କରିଥିଲା । ଶେଷରେ ଅତିଥିମାନଙ୍କୁ ଧନ୍ୟବାଦ ଜ୍ଞାପନ ସହ ସଭା ସାଙ୍ଗ କରାଯାଇଥିଲା ।