୨ ଜାପାନୀ ନୌସେନା ହେଲିକପ୍ଟର ଦୁର୍ଘଟଣାଗ୍ରସ୍ତ: ୮ ମୃତ, ଜଣଙ୍କର ମୃତଦେହ ଉଦ୍ଧାର, ୭ ମୃତଦେହ ନିଖୋଜ

ଟୋକିଓ: ଜାପାନରେ ତାଲିମ ଅଭ୍ୟାସ ସମୟରେ ପ୍ରଶାନ୍ତ ମହାସାଗରରେ ଦୁଇଟି ନୌସେନା ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ଆଠ ଜଣଙ୍କର ମୃତ୍ୟୁ ହୋଇଛି। ଏହି ଘଟଣା ସମ୍ପର୍କରେ ସୂଚନା ଦେଇ ଜାପାନର ପ୍ରତିରକ୍ଷା ମନ୍ତ୍ରୀ ମିନୋରୁ କିହାରା କହିଛନ୍ତି, ଶନିବାର ବିଳମ୍ବିତ ରାତିରେ ଟେରିସିମା ଦ୍ୱୀପ ନିକଟରେ ଦୁଇଟି ଏସ୍ଏଚ୍-୬୦-କେ ହେଲିକପ୍ଟର ଯୋଗାଯୋଗ ହରାଇଛନ୍ତି।

ପ୍ରତ୍ୟେକ ହେଲିକପ୍ଟରରେ ଚାରି ଜଣ ଲୋକ ଥିଲେ। ଆଠ ଜଣ କର୍ମଚାରୀଙ୍କ ମଧ୍ୟରୁ ଜଣଙ୍କର ମୃତଦେହକୁ ପାଣିରୁ ଉଦ୍ଧାର କରାଯାଇଛି। ଅଧିକାରୀମାନେ ଅନ୍ୟ ୭ ଜଣ ନିଖୋଜ ମୃତଦେହକୁ ଖୋଜୁଛନ୍ତି।

ଏସ୍ଏଚ୍-୬୦-କେ ହେଲିକପ୍ଟର ସାଧାରଣଃ ଆଣ୍ଟି-ସବମେରାଇନ୍ ଅପରେସନ୍ ପାଇଁ ବିନାଶକାରୀ ଭାବରେ ନିୟୋଜିତ ହୋଇଥାଏ। ଜାପାନର ଏନଏଚକେ ସର୍ବସାଧାରଣ ଟେଲିଭିଜନ କହିଛି ଦୁର୍ଘଟଣା ସମୟରେ ଏହି ଅଞ୍ଚଳରେ କୌଣସି ପାଣିପାଗ ଆଡଭାଇଚରୀ ଜାରି କରାଯାଇ ନ ଥିଲା।