ନାମାଙ୍କନ ପତ୍ର ଦାଖଲ କଲେ ବିଜେଡି ଓ ବିଜେପି ର 4 ବିଧାୟକ ପ୍ରାର୍ଥୀ ଓ 2ଜଣ ଲୋକସଭା ପ୍ରାର୍ଥୀ

ଭବାନୀପାଟଣା : ଆଜି କଳାହାଣ୍ଡି ରେ ବିଜେପି ଓ ବିଜେଡି ର 6 ଜଣ ପ୍ରାର୍ଥୀ ଏକା ସାଙ୍ଗରେ ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ବିଜେଡି ର ଭବାନୀପାଟଣା ନିର୍ବାଚନ ମଣ୍ଡଳୀ ପ୍ରାର୍ଥୀନୀ ଲଳିତା ନାଏକ ଲାଞ୍ଜିଗଡ ନିର୍ବାଚନ ମଣ୍ଡଳୀ ପ୍ରାର୍ଥୀ ପ୍ରଦୀପ ଦିଶାରୀ ଓ ଲୋକସଭା ପ୍ରାର୍ଥୀ ଲମ୍ବୋଦର ନିଆଲ ନିଜ ନିଜ ନାମାଙ୍କନ ପତ୍ର ଦାଖଲ କରୁଥିବା ବେଳେ ବିଜେପି ରୁ ମଧ୍ୟ 3ଜଣ ପ୍ରାର୍ଥୀ ଆଜି ନାମାଙ୍କନ ପତ୍ର ଦାଖଲ କରିଛନ୍ତି । ବିଜେପି ପକ୍ଷରୁ ଭବାନୀପାଟଣା ନିର୍ବାଚନ ମଣ୍ଡଳୀ ପ୍ରାର୍ଥୀ ପ୍ରଦୀପ୍ତ କୁମାର ନାଏକ , ଲାଞ୍ଜିଗଡ଼ ନିର୍ବାଚନ ମଣ୍ଡଳୀ ପ୍ରାର୍ଥୀ ରମେଶ ମାଝୀ ଏବଂ ଲୋକସଭା ପ୍ରାର୍ଥୀନୀ ମାଳବିକା ଦେବୀ ନିଜ ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ନିଜର ଶହ ଶହ ସମର୍ଥକ ଙ୍କ ଗହଣରେ ଉଭୟ ଦଳ ର 6 ଜଣ ପ୍ରାର୍ଥୀ କଳାହାଣ୍ଡି ର ଅଧିଷ୍ଠାତ୍ରୀ ଦେବୀ ନା ମାଣିକେଶ୍ୱରୀ ଙ୍କ ମନ୍ଦିରରୁ ବାହାରି ଜିଲ୍ଲାପାଳ ଓ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ଆସି ସେଠାରେ ନିଜ ନିଜର ନାମାଙ୍କନ ପତ୍ର ଦାଖଲ କରିଛନ୍ତି । ପ୍ରଥମେ ଦିନ 10 ଟା ରେ ବିଜେଡି ର 2ଜଣ ପ୍ରର୍ଥୀ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ କୁ ଯାଇ ସେଠାରେ ନାମଙ୍କନ ପତ୍ର ଦାଖଲ କରିଥିବା ବେଳେ ଲୋକସଭା ପ୍ରାର୍ଥୀ ଜିଲ୍ଲାପାଳ ଙ୍କ ପାଖରେ ନିଜ ନାମାଙ୍କନ ପତ୍ର ଦାଖଲ କରିଛନ୍ତି । ଏହା ପରେ ଦିନ 11.30 ରେ ବିଜେପି ପକ୍ଷରୁ 2ଜଣ ବିଧାୟକ ପ୍ରାର୍ଥୀ ଉପଜିଲ୍ଲାପାଳ ଙ୍କ କାର୍ଯ୍ୟାଳୟ ରେ ନିଜ ନାମାଙ୍କନ ପତ୍ର ଦାଖଲ କରିଥିବା ବେଳେ ଲୋକସଭା ପ୍ରାର୍ଥୀନୀ ଜିଲ୍ଲାପାଳ ଙ୍କ ପାଖରେ ନିଜ ନାମାଙ୍କନ ପତ୍ର ଦାଖଲ କରିଛନ୍ତି ।