ରାହୁଲ କଂଗ୍ରେସର ତାରକା, ସେ ସଂସଦରେ ବିରୋଧୀ ଦଳର ନେତା ହେବା ଉଚିତ୍: ଶଶି ଥରୁର

ନୂଆଦିଲ୍ଲୀ: ଲୋକସଭା ନିର୍ବାଚନର ଫଳାଫଳରେ କଂଗ୍ରେସ ଭଲ ପ୍ରଦର୍ଶନ କରିଛି। ଫଳରେ ୧୦ ବର୍ଷ ପରେ ସଂସଦରେ ବିରୋଧୀ ଦଳର ନେତା କଂଗ୍ରେସ ପକ୍ଷରୁ ଚୟନ କରାଯିବ। ସଂସଦରେ ଦ୍ୱିତୀୟ ବୃହତ୍ତମ ଦଳ ହୋଇ ୧୦ ପ୍ରତିଶତରୁ ଅଧିକ ଆସନ ପାଇଥିବାରୁ କଂଗ୍ରେସ ଏହି ପଦବୀ ପାଇବ।

ସଂସଦରେ ବିରୋଧୀ ଦଳର ନେତା ଭାବରେ ରାହୁଲ ଗାନ୍ଧୀଙ୍କୁ ଉପସ୍ଥାପନ କରାଯିବା ଲାଗି ହେଉଛି। ଏହା ଉପରେ କଂଗ୍ରେସ ନେତା ଶଶି ଥରୁର କହିଛନ୍ତି ମୁଁ ବିଭିନ୍ନ ସାକ୍ଷାତକାରରେ ଦାବି କରିଛି ରାହୁଲ ଗାନ୍ଧୀ ବିରୋଧୀ ଦଳର ନେତା ହୁଅନ୍ତୁ। ମୁଁ ଆଶା କରୁଛି ଏହାକୁ ବିଚାରକୁ ନିଆଯିବ।

ରାହୁଲ ଗାନ୍ଧୀ ଭାରତ ଯୋଡୋ ଯାତ୍ରା କରିଥିଲେ। ସେ ଭାରତ ଯୋଡୋ ନ୍ୟାୟ ଯାତ୍ରା କରିଥିଲେ। ଲୋକସଭା ନିର୍ବାଚନ ସମୟରେ ସେ ସାରା ଦେଶରେ ଉଲ୍ଲେଖନୀୟ ପ୍ରଚାର କରିଥିଲେ। ପ୍ରକୃତରେ ସେ ଦଳର ଷ୍ଟାର ପ୍ରଚାରକ ଅଟନ୍ତି। ଦଳର ସଭାପତି ମଲ୍ଲିକାର୍ଜୁନ ଖଡଗେ ରାଜ୍ୟସଭାରେ ଦଳର ନେତା ଅଟନ୍ତି। ରାହୁଲ ଗାନ୍ଧୀଙ୍କ ପାଇଁ ଲୋକସଭାରେ ଦଳର ନେତା ହେବା ଉପଯୁକ୍ତ ହେବ। ଯଦି ଏହା ଘଟେ ମୁଁ ବହୁତ ଖୁସି ହେବି