ବାବା ଆଖଣ୍ଡଳମଣିଙ୍କ ଦର୍ଶନ ପାଇଁ ଆରଡିପୀଠରେ ପହଁଚିଲେ ରାଷ୍ଟ୍ରମନ୍ତ୍ରୀ ସୂର୍ଯ୍ଯବଂଶୀ ସୂରଜ ଓ ଭଦ୍ରକ ବିଧାୟକ ଶୀତାଂଶୁ ମହାପାତ୍ର

ଭଦ୍ରକ :(୧୫/୦୬):ଆଖଣ୍ଡଳମଣିଙ୍କ ଦର୍ଶନ ପାଇଁ ଆରଡିପୀଠରେ ପହଁଚିଛନ୍ତି ମନ୍ତ୍ରୀ ସୂର୍ଯ୍ଯବଂଶୀ ସୂରଜ।ମନ୍ଦିରରେ ପୂଜାର୍ଚ୍ଚନା କରିବା ସହ ମଣିବାବାଙ୍କୁ କରିଛନ୍ତି ଦର୍ଶନ। ପୀଠର ଉନ୍ନତି ପାଇଁ ରାଜ୍ଯ ସରକାରଙ୍କ ପକ୍ଷରୁ ସମସ୍ତ ବ୍ଯବସ୍ଥା କରାଯିବ ବୋଲି କହିଲେ ମନ୍ତ୍ରୀ ସୂର୍ଯ୍ଯବଂଶୀ। ମନ୍ତ୍ରୀ ସୂର୍ଯବଂଶୀଙ୍କ ସହ ଭଦ୍ରକ ବିଧାୟକ ସିତାଂଶୁ ମହାପାତ୍ର ମଧ୍ୟ ମଣିବାବାଙ୍କ ଦର୍ଶନ କରିଛନ୍ତି। ପ୍ରଥମେ ମୁକ୍ତିମଣ୍ଡପରେ ପୂଜାର୍ଚ୍ଚନା କରିବା ପରେ ମନ୍ଦିର ବେଢା ପରିକ୍ରମା କରିଥିଲେ। ମନ୍ତ୍ରୀ ହେବା ପରେ ଆଜି ପ୍ରଥମ ଥର ଭଦ୍ରକ ଆସିଛନ୍ତି ସୁରଜ ସୂର୍ଯ୍ୟବଂଶୀ |ପ୍ରଥମେ ଧାମନଗର ଛକ ନିକଟରେ ମନ୍ତ୍ରୀ ଙ୍କୁ ସ୍ୱାଗତ କରାଯାଇଥିଲା ପରେ ଏକ ବିରାଟ ଶୋଭାଯାତ୍ରା ରେ ନେଇ ଧାମନଗର ଯାଇଥିଲେ ଶୁଭେଛୁ ମାନେ, ପରେ ଆରଡ଼ି ଅଭିମୁଖେ ବାହାରି ବାବା ମଣିଙ୍କୁ ଦର୍ଶନ କରିଥିଲେ । ଆଗାମୀ ଦିନରେ ସରକାରଙ୍କ ତରଫରୁ ମନ୍ଦିର ଉନ୍ନୟନ କାର୍ଯ୍ୟ ପାଇଁ ସମସ୍ତ କାର୍ଯ୍ୟ କରାଯିବ ବୋଲି କହିଥିଲେ ମନ୍ତ୍ରୀ। ବାବା ମଣିଙ୍କୁ ଦର୍ଶନ କରି ରାଜ୍ୟ ବାସୀଙ୍କ ମଙ୍ଗଳ କାମନା କରିଛନ୍ତି। ତେବେ ସନ୍ଧ୍ୟାରେ ମନ୍ତ୍ରୀ ମା ଭଦ୍ରକାଳୀ ଙ୍କୁ ଦର୍ଶନ କରିଵା ପାଇଁ ଯିବାର ସୂଚନା ରହିଛି।