ପୂର୍ବ ଶତୃତାକୁ କେନ୍ଦ୍ରକରି ଧାରୁଆ ଅସ୍ତ୍ରରେ ମହିଳାଙ୍କୁ ମରଣାନ୍ତକ ଆକ୍ରମଣ,*ଶରୀର ବିଭିନ୍ନ ସ୍ଥାନରେ ଆଘାତ ସହ ଅନ୍ତ ବୁଜୁଲା ବାହାରି ପଡିଛି*ଜିଲ୍ଲା ମୂଖ୍ୟ ଚିକିତ୍ସାଳୟ ସ୍ଥାନାନ୍ତର*ପୋଲିସର ତଦନ୍ତ ସହ ଅଭିଯୁକ୍ତ ଅଟକ

ଭବାନୀପାଟଣା-୧୦/୭ ଆଜି ବୁଧବାର ସକାଳୁ ପରୁଆଗୁଡ଼ା ଗାଁରେ ଘଟିଯାଇଛି ଅଭାବନୀୟ ଘଟଣା। ଜଣେ ଯୁବକ ପୁର୍ବ ଶତୃତାକୁ କେନ୍ଦ୍ରକରି ଜନୈକ ମହିଳାଙ୍କୁ ଏକ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ କରିଛନ୍ତି। ଯେଉଁଥିପାଇଁ ମହିଳାଙ୍କ ଅନ୍ତଃ ବୁଜୁଳ ବାହାରି ଯାଇଥିବା ବେଳେ ପେଟ ,ମୁହ ଓ ଛାତିରେ ମଧ୍ୟ ଗଭୀର ଆଘାତ ଲାଗିଛି। ରକ୍ତମୁଖା ଯୁବକର ଆ୍ରମଣରେ ଜଣେ ୩ ମାସର ଶିଶୁ ମଧ୍ୟ ଘାୟଲ ହେଇଛି।
ସୂଚନା ଅନୁସାରେ ପରୁଆଗୁଡ଼ା ଗ୍ରାମର ବିଶ୍ଵନାଥ ପଟେଲଙ୍କ ପରିବାର ସହ ଦୈତାରି ପଟେଲଙ୍କ ପରିବାର ମଧ୍ୟରେ ଏକ ଘରଡିହକୁ ନେଇ ପୂର୍ବ ଶତୃତା ରହିଥିଲା। ଏହି ଶତୃତାକୁ କେନ୍ଦ୍ରକରି ବୁଧବାର ସକାଳେ ବିଶ୍ଵନାଥ ପରିବାରର କେହି ନଥିବାବେଳେ ଦୈତାରି ଏକ ଧାରୁଆ ଅସ୍ତ୍ରରେ ବିଶ୍ଵନାଥଙ୍କ ପତ୍ନୀ କୃଷ୍ଣ ପ୍ରିୟା ପଟେଲଙ୍କୁ ମରଣାନ୍ତକ ଆକ୍ରମଣ କରିଥିଲା। ଏହି ଆକ୍ରମଣରେ କୃଷ୍ଣପ୍ରୀୟାଙ୍କ ଅନ୍ତଃ ବୁଜୁଳା ବାହାରି ଯାଇଥିବା ବେଳେ ପେଟ ମୁଣ୍ଡରେ ଓ ଛାତିରେ ଗଭୀର ଆଘାତ ଲାଗିଛି । ଅବସ୍ଥା ଗୁରୁତର ଥିବାରୁ ତାକୁ କଲମପୁର ଗୋଷ୍ଟି ସ୍ବାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା କରାଯାଇ ଅଧିକ ଚିକିତ୍ସା ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ଅନ୍ୟପଟେ ରକ୍ତମୁଖା ଯୁବକର ଆକ୍ରମଣରେ ଘାୟଲ ଶିଶୁ ସୁସ୍ଥ ରହିଛି। ଘଟଣା ସମ୍ଭଦ୍ଧରେ କଲମପୁର ଥାନା ଅଧିକାରୀ ପ୍ରଦିପ୍ତ କୁମାର କାନୁନଗୋ ଏଏସଆଇ ଶେଖର ଜେନା, ବଡକୁଟୃ ଏଏସଆଇ ଶିବ ମହାନ୍ତି,ସୂଚନା ପାଇଁ ଘଟଣାସ୍ଥଳରେ ପହଞ୍ଚି ଆକ୍ରମଣକାରୀ ଯୁବକକୁ ଧରି ଆଣି ଥାନାରେ ଅଟକ ରଖି ଘଟଣାର ତଦନ୍ତ ଆରମ୍ଭ କରିଛନ୍ତି, ଆକ୍ରମଣରେ ବ୍ୟବହୃତ ଅସ୍ତ୍ର ଅଭିଯୁକ୍ତଙ୍କ ଘର ବୁଦା ମୂଳରୁ ଜବତ କରାଯାଇଥିବା ବେଳେ ସାଇଣ୍ଟିଫିକ ଦଳ ପହଞ୍ଚି ଅଧିକ ତଦନ୍ତ କରିଛନ୍ତି, ଅଭିଯୁକ୍ତଙ୍କ ବିରୁଦ୍ଧରେ ପୁଲିସ ୟୁ/ଏସ୩୩୨(ବି)୩୩୩/୧୦୯(୧)/୧୧୫(୧)/୨୯୬/୩୫୧(୨)୩(୫)ବିଏନଏସ ରେ ମାମଲା ପଞ୍ଜିକୃତ କରିଛି,