ବଡଦାଣ୍ଡ ରେ ବିଦ୍ୟୁତଖୁଣ୍ଟ ଯମ ଜଗିଛିବିଦ୍ୟୁତ ବିଭାଗ ଆଖିରେ କଳାପଟି ବାନ୍ଧି ବସିଛି

ପୁରୀ, 11/7 – ଜନଗହଳି ପୂର୍ଣ୍ଣ ବଡଦାଣ୍ଡ | ମହାପ୍ରଭୁ ଙ୍କ ମହାନ ରଥଯାତ୍ରା ଚାଲିଛି |ଖୋଦ ରଥଖଳା ନିକଟ ମରଚିକୋଟ ଲଷ୍ମୀ ମାର୍କେଟ ନିକଟରେ ଦିନ ଦ୍ବିପ୍ରହର ରେ ସମସ୍ତ ଙ୍କୁ ଭକୁଆ କରି ବିଦ୍ୟୁତ ବିଭାଗ କେତୋଟି କଟା ଲୁହା ବିଦ୍ୟୁତ ଖୁଣ୍ଟ ଛାଡି ଯାଇଛି |ଯାହା ପର୍ଯ୍ୟଟକ, ତୀର୍ଥଯାତ୍ରୀ ଓ ସହରବାସୀ ପାଇଁ ବିପଦ ସାଜିଛି | ଗୁଣ୍ଡିଚା ଓ ବାହୁଡ଼ାଯାତ୍ରା ବେଳେ ଲକ୍ଷ୍ୟାଧିକ ଶ୍ରଦ୍ଧାଳୁ ଙ୍କ ଭିଡ ରେ ଏହି ଲୁହାଖୁଣ୍ଟ ମହାବିପଦ ସୃଷ୍ଟି କରିବା ସମ୍ଭାବନା ରହିଛି | ମରଣ କୁ ଯମ ଜଗିବା ପରି ଏହା ଛିଡା ହୋଇଛି |ଧର୍ମ କୁ ଆଖିଠାର ପରି ଖୁଣ୍ଟ ଉପରେ ବାଲିବସ୍ତା ଥୁଆ ହୋଇଛି | ପୁରୀ ବିଦ୍ୟୁତ ବିଭାଗ, ଜାତୀୟ ରାଜପଥ, ଜିଲ୍ଲା ପ୍ରଶାସନ ଆଖି ଆଢୁଆଳ ରେ ଏହି ମାରାତ୍ମକ ସ୍ଥିତି ଏବେ ବି ଚାହିଁ ରହିଛି | ସେହି ସ୍ଥାନ ରେ ଯଦି ଦଳାଚକଟା ହୁଏ ତେବେ ପରିସ୍ଥିତି ଭାୟାନକ ହୋଇପାରେ ବୋଲି ବୁଦ୍ଧିଜୀବୀମାନେ ମତ ଦେଇଛନ୍ତି |ତୁରନ୍ତ ବଡଦାଣ୍ଡ ରେ ଥିବା ସମସ୍ତ କଟା ଲୁହା ଖୁଣ୍ଟ ଅପସାରଣ ପାଇଁ ଦାବୀ ହେଉଛି |