ୟୁନିଟ 5 ଜଗନ୍ନାଥ ମନ୍ଦିରରଥ ଉପରେ ସୁନାବେଶରେ ଝଟକିଲେ ମହାପ୍ରଭୁ

ଭୁବନେଶ୍ୱର ତା 17 ରିଖ l ମହାପ୍ରଭୁଙ୍କ ମାନବୀୟ ଲୀଳାର ପର୍ବ ବିଶ୍ଵପ୍ରସିଦ୍ଧ ଘୋଷଯାତ୍ରାର ଆଜି ରଥ ଉପରେ ଦୁଲ୍ଲଭ ସୁନାବେଶ ୟୁନିଟ 5 ଜଗନ୍ନାଥ ମନ୍ଦିର ଠାରେ ଅନୁଷ୍ଠିତ ହୋଇଯାଇଛି l ମଧ୍ୟାହ୍ନ ଆରତୀ ପରେ ବିଗ୍ରହ ମାନଙ୍କୁ ତାରାକଶି, ସୋଲ, କାଗଜ, ରଙ୍ଗୀନ ମାଳୀ ଆଦିରେ ସୁବର୍ଣ୍ଣ ଆବରଣ ଦିଆଯାଇଥିବା ବିଭିନ୍ନ ଅଙ୍ଗ,ଅଳଙ୍କାର,ଆଭୂଷଣ ଆଦିରେ ସୁସଜ୍ଜିତ କରାଯାଇଥିଲା l ସନ୍ଧ୍ୟାରେ ଅନେକ ଶ୍ରଦ୍ଧାଳୁ ରଥ ଉପରେ ସୁନାବେଶ ଦର୍ଶନ କରିବା ସହିତ ଭଜନ ସମାରୋହରେ ଶ୍ରୀ ଜଗନ୍ନାଥ ସଂଗୀତ ଶ୍ରବଣ କରି ଲୀଳାମୟ ଙ୍କ ପ୍ରେମରେ ବିମୋହିତ ହୋଇଥିଲେ l ଭଜନ ପରେ ଉପସ୍ଥିତ ଶ୍ରଦ୍ଧାଳୁ ମାନଙ୍କ ପାଇଁ ମନ୍ଦିର ତରଫରୁ ଅନ୍ନ ପ୍ରସାଦର ବ୍ୟବସ୍ଥା କରାଯାଇଥିଲା l ଆସନ୍ତାକାଲି ଅଧରପଣl ଓ ଶୁକ୍ରବାର ନୀଳାଦ୍ରିବିଜେ ଉପଲକ୍ଷେ ଭଜନ କାର୍ଯ୍ୟକ୍ରମ ଆୟୋଜନ ହେବ ବୋଲି ମନ୍ଦିର ପରିଚାଳନା କମିଟି ସୂଚନା ଦେଇଛି l