ଇଣ୍ଡିଆନ୍ ଫେଡେରେସନ୍ ଅଫ୍ ସ୍ମଲ୍ ଆଣ୍ଡ ମିଡିୟମ୍ ନ୍ୟୁଜପେପର୍ସ (IFSMN)ର ୪୧ତମ ପ୍ରତିଷ୍ଠା ଦିବସ ବେଙ୍ଗାଲୁରୁରେ ବହୁ ଉତ୍ସାହ ଓ ଆଡମ୍ବରର ସହ ଉଦ୍ଯାପିତ ହୋଇଥିଲା। ଗାନ୍ଧୀନଗରସ୍ଥିତ ଶ୍ରୀ ଉଡୁପି ଫୁଡ୍ ହବ୍, କଣିଷ୍କା ଗ୍ରାଣ୍ଡ ବିଲ୍ଡିଂରେ ଏହି ଅନୁଷ୍ଠାନ ଆୟୋଜିତ ହୋଇଥିଲା।
ଏହି ସଭାରେ ଜାତୀୟ ଅଧ୍ୟକ୍ଷ ଡ଼ଃ ପବିତ୍ର ମୋହନ ସାମନ୍ତରାୟ ଅଧ୍ୟକ୍ଷତା କରିଥିଲେ। ଜାତୀୟ ସମନ୍ୱୟକ ମେହେତାବ ଖାନ କାର୍ଯ୍ୟକ୍ରମକୁ ସୁଚାରୁ ଭାବେ ସମନ୍ୱୟ କରିଥିବା ବେଳେ, ବରିଷ୍ଠ ଜାତୀୟ ଉପାଧ୍ୟକ୍ଷ ଶଙ୍କର କୋଡାଲା ପରିଚୟମୂଳକ ଉଦ୍ବୋଧନ ଦେଇଥିଲେ।
ମହାସଚିବ ବି.ଏସ୍. ଦେଶପାଣ୍ଡେ IFSMNର ୪୧ ବର୍ଷର ଗୌରବମୟ ଯାତ୍ରା ଉପରେ ଆଲୋକପାତ କରି, ଦେଶର ସାଣ ଓ ମଧ୍ୟମ ସମ୍ବାଦପତ୍ରଗୁଡିକୁ ସଶକ୍ତ କରିବାରେ ସଂଗଠନର ଭୂମିକାକୁ ଉଲ୍ଲେଖ କରିଥିଲେ। ଉତ୍ତର ପ୍ରଦେଶର ପୂର୍ବତନ ରେଭେନ୍ୟୁ ଓ ପର୍ଯ୍ୟଟନ ମନ୍ତ୍ରୀ ଅଶୋକ ଯାଦବ ମୁଖ୍ୟ ଅତିଥି ଭାବେ ଯୋଗଦେଇ, ସାରା ଦେଶରେ ସାମ୍ବାଦିକମାନେ ସମ୍ମୁଖୀନ ହେଉଥିବା ଚ୍ୟାଲେଞ୍ଜ ଉପରେ ବ୍ୟାପକ ଆଲୋଚନା କରିଥିଲେ।
କର୍ଣ୍ଣାଟକ ରାଜ୍ୟ ସୂଚନା ଓ ଜନସମ୍ପର୍କ ବିଭାଗର ଯୁକ୍ତ ନିର୍ଦ୍ଦେଶକ ଶ୍ରୀ ମଞ୍ଜୁନାଥ ଡୋଲୀନ ବିଶେଷ ଅତିଥି ଭାବେ ଯୋଗଦେଇ, ସାମ୍ବାଦିକମାନଙ୍କ ପାଇଁ ରାଜ୍ୟ ସରକାରଙ୍କ ବିଭିନ୍ନ କଳ୍ୟାଣକାରୀ ଯୋଜନା, ସମ୍ବାଦପତ୍ର ଏମ୍ପାନେଲମେଣ୍ଟ ନୀତି ଓ ବିଜ୍ଞାପନ ବଣ୍ଟନ ସମ୍ବନ୍ଧୀୟ ବିଷୟରେ ତଥ୍ୟ ଉପସ୍ଥାପନ କରିଥିଲେ।
ଅନ୍ୟାନ୍ୟ ଅତିଥିମାନଙ୍କ ମଧ୍ୟରେ ଡ଼ଃ ନିର୍ମଳା ସମ୍ବାଦପତ୍ରରେ କୃତ୍ରିମ ବୁଦ୍ଧିମତା (AI)ର ଭୂମିକା, ସୁଯୋଗ ଓ ଚ୍ୟାଲେଞ୍ଜ ବିଷୟରେ ଆଲୋଚନା କରିଥିଲେ। ଶ୍ରୀମତୀ କେ. ଶାନ୍ତା କୁମାରୀ କର୍ଣ୍ଣାଟକରେ ସାମ୍ବାଦିକମାନଙ୍କ ସମସ୍ୟା ବିଷୟରେ ମତାମତ ରଖିଥିଲେ।
ସଂସ୍ଥାପକ ସଦସ୍ୟ କେ. ସଞ୍ଜୀବ ଓ ଶିବପ୍ରକାଶ ସହିତ ଜାତୀୟ ଉପାଧ୍ୟକ୍ଷ ମଲ୍ଲିକାର୍ଜୁନାଇ ଓ ହରି ଡି’ସୂଜାଙ୍କୁ ସେମାନଙ୍କର ଅବଦାନ ପାଇଁ ସମ୍ମାନିତ କରାଯାଇଥିଲା। ଛତ୍ତିଶଗଡ଼, ତାମିଲନାଡୁ, ଓଡିଶା, ତେଲେଙ୍ଗାନା ଓ ଆନ୍ଧ୍ର ପ୍ରଦେଶରୁ ଆସିଥିବା ପ୍ରତିନିଧିମାନଙ୍କୁ ମଧ୍ୟ ସମ୍ମାନ ଜଣାଯାଇଥିଲା।
ଅମନ ନାରାୟଣ ସ୍ୱାମୀ, ବସବ ଗୌଡା, ଏନ୍. ଶ୍ରୀନିବାସ, ଜି. ରମେଶ କୁମାର, ଚେନଗୌଡା, ଏ.ଏଲ୍. ଶେଖର, ପି. ଅପ୍ପା ରାଓ, ଏମ୍.ଭି. ମଲ୍ଲେଶ୍ୱର ରାଓ, ଜି.ଭି. ନାଗଭାରାଓ, ମଲ୍ଲ ରେଡ୍ଡି, କଲ୍ୟାଣ ଚକ୍ରବର୍ତୀ, ଅଜୟ ଶ୍ରୀନୁ, ଡ଼ଃ ଜି. ପ୍ରବୀଣ କୁମାର, ଜି.ଭି.ଏସ୍. ଭଗବାନ, ସି.ଏମ୍. ମଞ୍ଜୁନାଥ, ସୁରେଶ, ସୁଧାକର, ଏ. ଗଣ୍ଣପ୍ରଗାସନ, କିଶନ କୁମାର, ମ୍ଡ଼. ଇରଫାନ କୁରେଶୀ, ଉଷାରାଣୀ, ସୁଧାରାଣୀ ସହିତ ଅନେକଙ୍କୁ ସମ୍ମାନିତ କରାଯାଇଥିଲା।
ଦ୍ୱିତୀୟ ସତ୍ରରେ ସାମ୍ବାଦିକ ଓ ସାଣ-ମଧ୍ୟମ ସମ୍ବାଦପତ୍ର ସମ୍ପର୍କିତ ବିଭିନ୍ନ ମୁଦ୍ଦା ଉପରେ ବିସ୍ତୃତ ଆଲୋଚନା ହୋଇଥିଲା। ପ୍ରତିନିଧିମାନେ ସେମାନଙ୍କର ସମସ୍ୟା ଓ ମତାମତ ରଖିଥିବା ବେଳେ, କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ଓ ସମ୍ବନ୍ଧିତ ରାଜ୍ୟ ମନ୍ତ୍ରୀମାନଙ୍କ ପାଖକୁ ଏକ ପ୍ରସ୍ତାବ ପ୍ରେରଣ କରିବାକୁ ସର୍ବସମ୍ମତିରେ ସିଦ୍ଧାନ୍ତ ଗ୍ରହଣ କରାଯାଇଥିଲା। ପ୍ରମୁଖ ଦାବିମାନଙ୍କ ମଧ୍ୟରେ ସାମ୍ବାଦିକ ସୁରକ୍ଷା, ପେନ୍ସନ୍ ଯୋଜନା, ରେଲୱେ ରିଆୟତ, ଟୋଲ ଛୁଟ ଓ ଗଣ ମଧ୍ୟମ ସମ୍ବାଦପତ୍ର ପାଇଁ ନିୟମିତ ବିଜ୍ଞାପନ ସହାୟତା ରହିଥିଲା।
କାର୍ଯ୍ୟକ୍ରମର ଶେଷରେ ଜାତୀୟ ସମନ୍ୱୟକ ମେହେତାବ ଖାନଙ୍କ ଧନ୍ୟବାଦ ଜ୍ଞାପନ ସହିତ ଅନୁଷ୍ଠାନର ସମାପନ ହୋଇଥିଲା।
About the Author
